Juno封街拍《風林火山》雪景戲 皇室堡對出成條街一片白
撰文：陳浩賢
出版：更新：
Juno麥浚龍自從2013年執導拍攝電影《殭屍》後，大獲好評，令他在歌手以外，更多了一個導演身分，當然最重要是有個富爸爸麥紹棠，可以投資讓他繼續拍電影，而Juno最新作品《風林火山》，製作費用就高達1.5億元，而且主要演員也是粒粒巨星，包括有金城武、梁家輝及劉青雲，女角方面就有衛詩雅，齋睇這班演員人腳已經知道唔簡單，但最估不到Juno勁到大熱天時拍雪景戲。
單單係封銅鑼灣條街，已經唔簡單啦。（網上圖片）
銅鑼灣皇室堡一向都是人來人往，但Juno一於少理，網上流傳Juno在晚上時分封了皇室堡對開成條街拍攝，見到告示牌寫住拍到0600，估計是要通宵拍攝，現場亦見到一位疑似劉青雲的演員經過，相信是拍攝有青雲的戲分。雖然現場氣溫逾30度，但當晚Juno卻要拍攝一場雪景戲，只見全條街一片白濛濛全是人造雪，而現場的道具車亦全部鋪滿白色物體，要在香港夏天拍雪景戲，Juno出手確是不同凡響，一個字「堅」。
皇室堡對開成條街都是人造雪，夏天都可以落雪，有錢真係萬能。（網上圖片）
道具車又是一片白，拍完清理都有排搞。（網上圖片）
Juno對上一齣作品《殭屍》未能打入內地市場，而《風林火山》卻明顯改變風格，是一部史詩式的警匪片，內容圍繞中港兩地，警方與毒販之間的角力，拍得詳盡寫實，媲美劉德華、吳彥祖的《門徒》，至於Juno是否真的咁把炮，就要拭目以待啦。
+9
劉青雲擔正已經是信心保證。（資料圖片）
網上流傳一張劉青雲的背影相片。（網上圖片）
金城武都有份，Juno確是有牙力同財力。（資料圖片）
仲有梁家輝，簡直是無敵組合。（資料圖片）
告示牌寫住拍到朝早6點。（網上圖片）