【四小時生活圈】鄧月平台灣變身臭豆腐西施 短裙仔扮兔女郎
撰文：林迅景
出版：更新：
鄧月平自ViuTV《美選D.N.A.》之後就人氣急升。除了接拍廣告、電影工作外，最近更參與了奇妙電視的《四小時生活圈》的真人show節目。節目中鄧月平與麥子樂更需要前往台灣高雄生活「賺旅費養自己」，旅程當中除了在民宿打工之外，更要扮兔女郎賣臭豆腐賺錢。
鄧月平呢次去台灣，聽落似真人show多過旅遊節目。（黃國立攝）
鄧月平：「我覺得我哋都幾受上天眷顧，就係我哋賣臭豆腐都賺得幾多。我哋3個鐘賺咗4000幾台幣，所以可以考慮下第日冇嘢做可以去台灣賣臭豆腐。麥子樂『揸』到手到軟埋，我執碟都執得好快嘅。」
最吸引人就應該係鄧月平做「臭豆腐西施」呢part。（網上圖片）
+3
鄧月平表示，雖然打工旅程中就未有被台灣男生「撩」，不過就有香港人專程到訪她打工的臭豆腐店。「有啲喺台灣讀書嘅香港人fans特登去搵我，我係好感動。雖然我冇乜留意台灣男仔，但係我覺得台灣女仔有樣嘢我需要向佢哋學習，就係，我要學習下『講嘢溫柔啲，講嘢唔好咁急，同埋粗聲粗氣』。」
除咗賣臭豆腐仲有單車環島遊，香港班宅男肯定好後悔冇一齊去。
作為「香港代表」的臭豆腐西施，鄧月平原來亦都唔「輸蝕」。「我就戴住個好長嘅兔仔耳，而臭豆腐嘅袋上面就有似我哋整嘅貼紙。（個兔仔裝性唔性感？）嘩，性感到不得了，張貼紙。我著住條一個好短好短嘅圍裙，同埋一條好長好長嘅底裙。」台灣班宅男就好啦⋯
鄧月平去到台灣高雄都有宅男fans。（網上圖片）
+7