【平安谷】蘇玉華最後一套TVB劇？ 「我又未死，點會係最後？」
撰文：溫菁莉
出版：更新：
自從去年5月TVB終於播返《蘭花刼》之後，觀眾都好耐無見過蘇玉華，相隔8個月，佢係TVB嘅最後一部劇集《平安谷之詭谷傳說》終於下星期出街。有好多網友都話阿蘇係無綫難得好戲之人，但去年拍完《平安谷之詭谷傳說》之後就正式離巢，觀眾都話唔捨得。蘇玉華接受《香港01》訪問時笑言，「雖然我係同TVB完約，呢套你都可以話係最後一套，但我又未死，點解會最後呢？」
蘇玉華講笑話自己仲未死，有機會會再返TVB拍劇。（資料圖片）
【平安谷】新劇下星期就出街 TVB再拍懸疑片會唔會有驚喜？
蘇玉華返無綫拍劇好激情 跟張達倫私奔：有擁吻場面
一班妾侍為老爺劉江斟茶，仲搞到劉江濕晒!(陳順禎攝)
雖然阿蘇已經離巢，但都好識做為劇集宣傳，她強調如果觀眾好唔捨得佢，「呢嗰暫時最後一個機會見到我，係電視方面嘅作品。」提到劇集名叫做《平安谷之詭谷傳說》，她笑說以為劇集會有續集，「因為劇名有個『之』，咁應該係有幾個系列，咁如果大家鍾意嘅，都唔排除有幾部。」她指到時如果再受邀演出，都好樂意再同TVB合作。
蘇玉華身為家中嘅二太太，為了女兒的生活，經常要卑躬屈膝。
今次劇情是講女性去抗爭，希望打倒男性霸權，飾演劉江二太太嘅阿蘇就話，戲入面劉江會瘋狂咁打老婆，而佢都係受害者之一，「佢唔係就咁打你，甚至會踢，仲要用鞋去打我地。」阿蘇透露用鞋去打妾侍係自己嘅諗法，「我嗰陣覺得不如再衰啲，所以就同導演講不如用鞋打女人，咁先突顯到女人真係委屈，咁出嚟效果係好好，睇得出個個年代男女分別。」
+4