【平安谷】肥貓德德識望鏡頭交到戲　網民笑朱晨麗最大作用係抱貓

無綫劇《平安谷之詭谷傳說》正在熱播中，近日劇情講到陳瀅飾演的青蘭，先是被殉葬走甩，但為救好姊妹，最後仍是自焚而死，下場相當淒慘。不過網民的焦點很快已被另一位「演員」吸引，莫非是陳凱琳、龔嘉欣，定係譚凱琪呢？通通都唔係，原來是劇中的肥貓德德，搶去幾位女角風頭外，甚至有網民話朱晨麗的作用只是用來抱貓。

劇中德德是朱晨麗所養的虎紋貓，特徵係肥到似一個波，咪以為德德只是過鏡，其實牠起着搵到綁架小璇真兇的作用，劇中小璇本來只是躲在房中畫畫，而蘇玉華走進房內勸她出花園曬太陽，此時德德在窗外經過，小璇才肯抱着德德外出。眼仔碌碌的德德，拍戲時相當聽話，而且識得俾反應，當朱晨麗出來找她時，牠會轉頭望向主人，又很乖讓演員抱着，十分溫馴乖巧。

相關文章：

【平安谷】肥貓德德賣萌仲識演戲　想氹掂佢除咗零食仲靠一樣嘢？​

【平安谷】肥貓德德拍過古天樂電影　仲有對白絕對唔係茄

【平安谷】監製陳耀全透露德德係關鍵角色　「佢會幫到受傷小璇」

由於德德出現在畫面正中位置，隨即獲得無數貓奴大讚可愛，甚至話朱晨麗出場，作用只是負責抱住肥貓德德，由主要演員變成布景板。不過其實朱晨麗都係一名貓奴，而看牠抱着肥貓德德的手勢，令到貓咪相當冧冧豬，一眾貓奴都要俾個讚佢。