【向全港派利市】郭富城講得出做得到：睇返啲訪問都覺得幾搞笑
撰文：冼燕珊
出版：更新：
郭富城今日出席新春活動，回應24年前向全港巿民派利市嘅承諾。（黃國立攝）
郭富城24年前承諾，如果日後結婚就會向全港市民派利市，仲話人人有份，今日他出席新春活動，回應呢個24年前嘅承諾：「睇返啲訪問都覺得幾搞笑，當時剛剛出道，面對傳媒不知怎麼應對，現在已經成家了， 最開心現在已經有小寶寶了，既然我作出了承諾，我就應該要去兌現。」
城城話代表全港巿民將利市錢捐去慈善機構。（黃國立攝）
【找數】郭富城24年前承諾結咗婚向全港巿民派利市：人人有份！
聽到呢度，大家係咪好興奮呢？聽埋先，「但係如果你要我每家每戶去派，又好難實行，咁我就大膽作出一個建議，就是將我要派畀全香港市民的利市， 集合成一封，捐去聯合國兒童基金會，將這份愛送給有需要的人， 希望全香港市民都不會介意，這是我會守信的，謝謝大家。」坦白講，其實呢個建議都幾好，代表全港巿民做善事，唔知大家又收唔收貨呢？
城城祝大家新年快樂，丁財兩旺。（黃國立攝）
+1