尹天照終於加入無綫？ 夠人可以拍《我和殭屍有個約會IV》
撰文：黃梓恒
出版：更新：
呢個況天佑造型大家一定會記得（網上圖片）
近年不少亞視舊將加入TVB拍劇，最新有袁文傑和蔡國威，現在又盛傳亞視經典人物尹天照會一齊加埋呢個亞視第二個家。至於究竟啲風喺邊度傳出嚟？原來偉大的維基大神已經在尹天照的專頁上寫上「2017年6月加盟無綫電視。」，雖則話維基係人都可以編輯資料，但是空穴來風未必無因。其實之前已經有多返傳言話佢會加入TVB，始終離開亞視之後只在內地拍劇、出活動，簡中在香港拍廣告，例如八達通的廣告短劇，但總括嚟講曝光率實在唔多。
阿照早排都有為八達通「好易畀」賣廣告。（網上圖片）
其實在尹天照在接受《香港01》專訪時曾經說過：「其實最近TVB也接觸過我兩次，但暫時還沒有什麼定案。」證明TVB的確係有諗過搵佢過嚟拍劇。《香港01》記者試找過天照，不過未能聯絡上，所以就問一問大家以前都係同事的袁文傑，不過他就說沒有收到消息。而另一位前亞視同事蔡國威同樣表示：「未收到消息，但就話如果真係加入就啦！」其實好多香港人都係咁諗，尹天照如果未加盟，真係認真考慮下啦！
阿照講過TVB搵佢傾過兩次，真係幾有誠意喎。
阿照當年憑住《我和殭屍有個約會》而爆紅，當年這套劇還有女主角萬綺雯都已經加入TVB。計埋配角張文慈，仲有出過場的冼灝英、陳煒，加埋一眾亞視舊將，絕對可以將呢套經典劇再拍第四集。反正陳啟泰、吳廷燁而家都係自由身，叫埋他們返嚟都應該有呢個可能性。
延伸閱讀：亞視2003年舊月曆 同一批藝人無綫2017重聚好神奇
無綫而家人才好多，仲有好多都係亞視過檔。（網上圖片）
+2