【毛孩與我】全職做寵物攝影師4年 小明：寵物其實凝聚咗一家人
坊間有不少自立門戶的全職攝影師，但全職的寵物攝影師可謂「買少見少」。《毛孩子》這次就找來了寵物攝影師小明，即場示範拍攝寵物的技巧及分享寵物攝影的趣事。
4年前毅然轉為寵物攝影師
小明原是一位約10年經驗的全職攝影師，他於4年前毅然決定專注寵物攝影。他發覺當時市場上甚少專門為寵物攝影的服務，再加上他本身甚為喜愛動物，因而下此決定。為了使工作更順利，他報讀了為期2年多的狗隻訓練課程，更特地前往美國進行考核。
懷著滿腔熱誠轉為寵物攝影師的小明，當初也曾碰過釘。他憶述：「啱啱開始嗰陣，最大問題就係冇客源。嗰陣都仲未有特登俾錢為寵物影相嘅風氣，好多時都係影家庭相嗰時『搭單』影埋。」
「無論係影人定寵物，溝通都好重要」
當記者問及由拍攝人像改為拍攝動物會否很難適應，小明則認為其實兩者之間有相似之處。他補充道：「無論影人定係影寵物，其實溝通都係好重要。最唔同嘅就係對住人你可以好簡單用說話或者身體語言溝通；但對住動物最重要真係耐性。」
拍攝當日，小明花了不少時間與模特兒「Mall姐」── 一隻15歲的史納莎溝通。他首先和「Mall姐」嬉戲一會兒，令「Mall姐」心情更放鬆；其後更向「Mall姐」進行了基本的服從訓練，令拍攝過程更加順利。
拍攝寵物變數多 直言有挑戰性
除了因無法用言語溝通外，寵物千變萬化的性格均會令拍攝的挑戰性大增。小明指出每隻寵物都有其獨特的個性：「有啲會好Active（活躍），有啲就可能好靜。另外有啲狗狗可能會特別驚陌生人，或者相機聲。影寵物有好多未知數，我諗呢樣係最大嘅挑戰。」
相關文章：賣樓獨力開平價狗狗水療中心 老闆娘：我想幫埋啲流浪狗狗！
難忘重病老人看在寵物份上才願留影
小明數年來遇過不少與寵物一同拍攝全家幅的客人，當中有些個案令他至今仍印象深刻。小明認為寵物其實是凝聚一家人的重要角色：「有啲家庭從來未影過全家幅，如果唔係帶寵物嚟影相呢個契機，佢哋可能成世都唔會影。」談及最深刻的一次拍攝經歷，他彷彿仍歷歷在目：「有次有個cancer（癌症）末期嘅老人家上咗嚟同屋企人影全家幅留念。聽佢屋企人講，老人家一直都唔想喺呢個時候影相，因為唔想俾自己而家呢個插晒鼻喉嘅殘樣留底。但係佢屋企人就呃佢話係幫寵物影相，𠱁咗佢上嚟。」
【點擊圖片放大看，小明的攝影作品】
看見主人驚覺寵物乖巧最滿足
小明表示暫時大多數的攝影主角仍是狗狗，其次就是貓貓。除了熱門的貓狗，他也接觸過帶刺蝟、烏龜、鸚鵡上來拍照的主人。他直言工作上最有滿足感的時刻就是當主人跟他說：「我而家先知原來我隻寵物可以咁乖咁聽話！」或是「原來我隻寵物可以學識唔驚陌生人！」