貓主子鼻紋獨一無二 可作身份證

撰文:
最後更新日期:

不知大家是否都知道,其實貓咪的鼻是獨一無二,每隻貓咪都不同。所以在外國,早已有鼻紋系統,用以識別貓咪身份!不知何時,這系統才能在香港實行,屆時萬一貓咪走失了,也有多一個途徑尋回。

【文章原刊於01撐場,歡迎下載香港01 app,與星級作者一同討論喜愛話題。】

撰文:奴才

( 圖片來源:視覺中國)

近日有一單新聞係關於貓咪誤闖九巴,有愛貓嘅網民即刻上網尋主人,問係咪有大頭蝦奴才整唔見咗主子。其實,喺外國部分國家聞說係有設立貓咪嘅鼻紋系統,用以識別貓咪嘅身份。只係香港喺動物政策方面尚未有咩叫鼻紋系統?點解鼻紋可以識別貓咪身份?

更多寵物文章:【5個貓鼻冷知識 原來每隻貓都有獨一無二凹凸「鼻紋」】

( 圖片來源:LIHKG 討論區)

人有指紋用以辨別身份,咁貓呢?貓其實可以用鼻紋辨別身份!每隻貓嘅鼻紋其實係獨一無二㗎!就算受到割傷、切傷、燙傷等外力破壞,只要外傷癒合,都唔會改變貓咪鼻哥嘅紋路同形狀。也許有人會疑惑為何要用鼻紋而不是腳掌紋?

各位奴才可能會覺得好奇怪,點解辨別主子身份嘅會係用鼻紋而唔係用肉掌嘅紋。大家可以嘗試摸摸主子嘅肉掌,你會發現主子嘅肉掌係好光滑嘅,冇咩紋路可言。原因有二:首先,貓本身係獵食性動物,貓咪嘅腳掌要非常光滑,以避免喺獵食嘅時候因為腳掌發出聲音而誤事。第二,由於貓長年累月都係赤腳行路,腳紋不停受地面摩擦,所以即使有腳紋都一早磨走咗,失去咗辨別身份嘅功能。

( 圖片來源:視覺中國)

更多寵物文章:【狗‧知識】流鼻涕暗藏6大危機 主人不要忽視

講返今次單花貓巴士事件,據知花貓最後俾愛護動物協會捉走咗,希望花貓最後吉貓天相,可以搵返主人或者有好心人領養花貓。另外,政府或者愛護動物協會應該設立一個貓咪鼻紋庫,所有經愛協手嘅貓都要打鼻紋,記錄低貓咪嘅個貓資料同主人資料。由於打晶片比較麻煩,又對於主人而言較為昂貴。希望愛協能夠盡快設立動物鼻紋庫,令更多貓狗動物可以喺政府或者愛協度有記錄,便於搵返主人,減少人道毀滅動物嘅數量。

( 圖片來源:視覺中國)

【編按:文章題目為編輯所擬,原題為「貓咪冷知識 - 貓鼻紋 = 人指紋!」】

(文章純屬作者意見,不代表香港01立場。)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。