兩歲唐狗元朗走失 主人連續21小時通宵苦尋:幾辛苦都要搵返佢

撰文:
最後更新日期:

昨日(11日)下午,元朗廈村羅屋村唐狗「鵪鶉」於屋外散步時突然失去影蹤,主人鄧先生徹夜苦尋21小時,可惜無功而,「為咗搵返隻狗,行成晚我都無問題!」如果有人發現鵪鶉下落,請與鄧先生聯絡。

鄧先生於社交平台發帖,盼附近居民可幫忙留意及尋找愛犬「鵪鶉」。(受訪者提供)

居於元朗廈村羅屋村的唐狗「鵪鶉」,昨天(10日)下午1時於住所外散步後行蹤不明,主人鄧先生其後於社交平台發帖,盼附近居民可幫忙留意及尋找鵪鶉。鄧先生向《香港01》講述事發經過時指,昨日下午欲到屋外執拾車尾廂,「我諗住畀佢(鵪鶉)出去行下,點知一擰轉頭佢就唔見咗……」

鄧先生由昨日(10)下午1時起至今早10時由元朗徒步至天水圍尋狗,他表示為了尋回狗狗,有多辛苦都在所不辭。(受訪者提供)

走失狗檔案

名字:鵪鶉

年紀:兩歲

性別:女性(未絕育)

品種:唐狗

特徵:胸部有白色毛髮、四肢啡色

走失時間:2019年02月11日下午1:00

走失地點:元朗廈村羅屋村

如任何人有「鵪鶉」消息,可致電9201 7356鄧先生聯絡。

鄧先生表示鵪鶉性格膽小怕事,由於曾遭前主人虐待,因此花了不少時間與牠建立信任。(受訪者提供)

狗狗曾遭虐待 性格膽小怕事

鄧先生表示,鵪鶉性格膽小怕事,起初領養回家後時便十分怕人,「我係鵪鶉第三任嘅主人,其實狗狗身世真係好可憐,因為佢上兩手嘅主人都有虐待佢,我都花咗好多時間先可以得到佢嘅信任,我哋兩公婆真係唔想失去佢。」

問及鄧先生的尋狗路線,他表示由昨日(10)下午1時起至今早10時由元朗徒步至天水圍尋狗,「因為我真係好怕沿途會錯過咗狗狗,所以我選擇慢慢行,希望可以搵返佢,我唔怕辛苦,我只係想搵返佢,幾辛苦都值得!」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。