【Show 後煙】HYUKOH 香港站觀眾:我平時唔聽韓國嘢!

撰文:
最後更新日期:

扭耳仔除了聽一眾音樂人去論盡樂壇之外,都好想聽到樂迷的心聲!現帶來【Show 後煙】這環節讓大家在聽完 Show 後將感受與我們慢慢分享!今次來到今好多indie樂迷入坑聽韓國音樂的 HYUKOH show後食煙位。(攝影: Moment Hung )

HYUKOH,自2016年的Clockenflap來港演出後,眾多indie樂迷被他們召入韓迷隊伍,2017年來港開Music Zone專場門票被秒殺,今次轉戰更大的九展「UFO」場,更加開到兩場。扭耳仔看的那場是加場,不是搶到秒殺門票的樂迷,反而是初嘗「oppa」滋味的居多。

蕭暢悅 所帶的是洪申豪組成的VOOID樂隊出的袋子。

蕭暢悅:「好好睇,好好 feel,佢哋係我聽咗好耐嘅 band ,所以點都撐!」

Topaz 除了 HYUKOH 不聽其他韓國音樂

Topaz:「好感動好想喊!(聽到邊首歌想喊?) 〈 LOVE YA !〉好多隻都有!(幾時開始鍾意佢哋?)今年無喇喇喺YouTube聽到佢哋啲歌,就開始 Spotify 佢哋全部嘅歌,成日揸車或者做嘢都會播嚟聽,聽到好熟。(之前聽唔聽韓國嘢?)乜都唔聽,只係聽 HYUKOH 。(點解個個都咁講?) 佢哋唔韓星,似係 international band,而唔係韓國 boy’s group 嗰啲囉,所以有唔同。(在場也有見韓迷?)好多,好『韓』呀! (啲聲點?) 開頭主音有啲細聲,中間有調整返,最尾都好好。第一次睇佢哋,覺得鼓佬好正好勁。」

Carmen 是電影美術人員,劇組給她早放來看 HYUKOH。

Carman:「今晚個場啲聲好拆,呢下令人 down 咗,但整體而言係睇得開心嘅,最正一首都係 〈 LOVE YA ! 〉。」

Gladys 本身除了是模特兒及演員,也是樂隊geez的成員。

Gladys:「我本身好鍾意 HYUKOH !我覺得他們live的水準比想像中更加好,主音的聲線非常之有質感,同時準繩度很高,特別鍾意〈 TOMBOY 〉同〈 Gondry 〉,好多首都好鍾意,同埋鼓手真係好靚仔!(幾時開始鍾意佢哋?) 一兩年前,隨機見到發現好正,之後下載佢哋所有碟返嚟聽,跟住之後就迷上咗。我睇show好少背歌,今日睇發現原來我首首都好熟。(本身睇唔睇韓星?)唔鍾意,佢係我唯一鍾意嘅韓國bands!因為我鍾意日本多啲!」

Gabe 看完出來的狀態好醉好迷

Gabe:「我今晚可以同我愛嘅人一齊睇好開心!我覺得Clockenflap喺呢個場地搞會幾好,個場夠暗,個聲又好好,我好鍾意!之前無睇過佢哋,近排先鍾意,都係咁啱Spotify見到,(邊首?)「Ohio」,favourite!」

阿星 想與 HYUKOH 有超越聽覺的關係。

阿星:「嗰場勁多手機,佢好靚仔,佢可唔可以扑我!或者佢俾我扑!我覺得鼓手都OK!一齊來都OK!」

11月show後食煙位見:



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。