【進撃昇龍道】日本中部全攻略:伊勢神宮白川鄉 食飛驒牛越前蟹

撰文:
最後更新日期:

昇龍道係指日本中部、北陸地區嘅旅遊路線。將中部北陸地區嘅著名景點連起嚟,你就會發現佢呈現一條龍嘅形狀。昇龍道橫跨愛知、石川、長野、三重、靜岡、岐阜、富山、福井同滋賀9個縣,北陸地區唔單止擁有好多同龍有關嘅傳說,亦都可以欣賞到德川家康時代嘅建築同遺蹟,感受日本嘅傳統魅力。

「昇龍道」係指將中部北陸地區嘅著名景點連起嚟,你就會發現佢呈現一條龍嘅形狀

遊昇龍道必去景點:

日本三大名園——金澤兼六園

兼六園係一座位於金澤市嘅日式庭園,充滿日式風情,一年四季都有唔同景色。庭園入面就好似將時間停頓咗喺古時咁,保留咗一份古色古香嘅味道。

世界文化遺產——白川鄉

白川鄉可以話係成條昇龍道上面最出名嘅景點!位於岐阜縣嘅白川鄉係一條四面環山、水田縱橫、河川流經寧靜古老嘅山村,嗰度有100幾棟連成一片嘅「合掌造」,由茅草覆蓋喺人字型嘅木屋頂上面建造而成,由於外型睇落似「雙手合掌祈禱」而命名。呢個咁靚又咁有「仙氣」嘅景色,唔難之得會被稱為「日本人嘅心靈故鄉」,確實係不得不去嘅地方~

相關文章:【日本中部】童話世界白川鄉合掌村 點燈日期、交通、住宿全攻略

+17
+16
+15

小京都——飛驒高山

有「小京都」之稱嘅飛驒高山以木製建築群為主,飛驒木雕工藝非常出名,好多京都奈良地區嘅寺院都出自飛驒名師之手㗎!嚟到呢度就好似走咗入古裝日劇嘅場景咁~

另外,飛驒高山嘅溫泉都相當出名㗎~

+6
+5
+4

日本最受尊崇的神社——伊勢神宮

位於三重縣嘅伊勢神宮可以話係昇龍道嘅「龍尾」。呢度係祭祀象徵太陽嘅女神 – 天照大神嘅地方。伊勢神宮分為外宮同內宮,一般嚟講日本人會先去外宮之後再入內宮。呢度仲被譽為「日本人一生中必去嘅神社」,可見佢喺日本人心目中嘅地位,超然啊!

同為世界文化遺產——五箇山

五箇山係富山縣西南端南砺市嘅舊平村、舊上平村、舊利賀村所構成嘅地域,與大家熟悉嘅白川鄉一樣係大型嘅合掌聚落,唔同嘅係五箇山位置喺深山之中,冇咁遊客商業化可以靜靜咁欣賞呢度嘅美景。雖然五箇山風景好靚,但是交通唔方便好難去!所以自由行嘅遊客比較少,更可以靜靜品味村落嘅美麗!

相關文章:【日本中部】立山黑部、白川鄉自由行太難?一文看清北陸地區交通

+2

美食

按下圖看昇龍道的美食:

沿住昇龍道出發,除咗可以參觀各種遺跡、古建築,亦都係好新穎嘅景點。

金澤21世紀美術館

呢座現代化嘅美術館採用全圓形嘅結構,極具特色。

當中最出名嘅展品就係《泳池》,你可以行入作品入面,透過水同玻璃嘅折射營造泳池嘅感覺~

交通

相關文章:【進撃昇龍道】日本中部北陸地區周遊券 五日、七日交通懶人包

交通方面,由於昇龍道橫跨9個縣,雖然北陸地區嘅新幹線已伸延到富山、金澤,但要遊覽去白川鄉等地最方便嘅選擇都仲係坐高速巴士~

日本旅遊局為咗方便國外旅客,推出咗昇龍道高速巴士乘車券,分為三日版同五日版遊走昇龍道各個景點~

雖然去一次未必能夠玩完全部景點,但呢個都係佢嘅魅力所在之處,去完都仲想再去呀!自問經常去日本旅行嘅你,下次可以試下探索神祕嘅昇龍道,感受下日本嘅傳統魅力!

【本文獲「KKday」授權轉載。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。