香港酒店優惠|10間住宿送自助餐人均$440起 Grand Hyatt歎海景

撰文:梁采欣
出版:更新:

香港各大酒店都推出Staycation吸客,優惠多到消化唔完,當中最抵莫過於住一晚包自助餐,可以任食生蠔、和牛等美食。《香港01》旅遊頻道記者精選了全港10間酒店超抵食住優惠,包括Grand Hyatt、Hotel Icon、帝京酒店、帝逸酒店、帝都酒店、Eaton HK、將軍澳皇冠假日酒店、皇家太平洋、如心荃灣及城市花園,送自助餐之餘,好多都可以住海景房望靚view!
(下列優惠價錢及食宿套票詳情以發稿日為準,最終安排視乎個別零售商而定)

【1】君悅酒店Grand Hyatt —— 62折包自助晚餐

酒店推出「Escape 24」住宿度假優惠,優惠除了包雙人早餐,更可享用意大利雙人晚餐、港灣壹號中菜廳晚餐或雙人自助晚餐(星期一至四)或兩位40分鐘身體按摩療程(星期一至四)。

以7月15日至16日為例,豪華海景客房為$2300一晚,加上價值$1513的中菜廳晚餐,總值$3813,而是次優惠為$2380,於原價相比,未計早餐已有62折!

😍😍😍想知每晚房價、優惠幾時完結,立即按圖睇睇😍😍😍

香港君悅酒店
地址:灣仔港灣道1號
電話:2584 7038

【2】Hotel Icon —— 包一家四口自助午餐

酒店推出食住優惠,兩位成人及最多兩位小童入住Club 65套房一晚,即包The Market半自助早餐、免費迷你吧,更包埋自助午餐!套房內更會設置特色兒童帳幕,充滿童趣。另外還可免費享用康樂設施如PS4、PlayStation VR、足球機等,啱晒一家大細一齊玩!

😍😍😍除了自助午餐,住客亦可在其他餐飲體驗選擇一項代替,立即按圖睇睇😍😍😍

Hotel Icon
地址:尖沙咀東部科學館道17號
電話:3400 1000

【3】帝京酒店 —— 歎花月庭全時段自助晚餐

酒店推出的住宿計劃,5歲以下同行小童更可免費入住,同時所有住客可免費歎全時段自助晚餐。帝京酒店的自助餐餐廳「花月庭」一向評價不錯,平日自助晚餐正價每位都要$628,兩位連服務費共$1382,現在變相免費入住,優惠非常吸引!

👇👇👇想知每晚房價、酒店另一項貼心服務,立即按圖睇睇👇👇👇

帝京酒店
地址:九龍太子道西193號
電話: 2928 8822

【4】帝逸酒店 —— 任食即開生蠔、即煮海鮮

酒店推出的Staycation優惠,入住一晚標準客房即送雙人自助晚餐,任食即開生蠔、即煮海鮮、即切原條鮮魚刺身、現造手握壽司、鐵板燒、龍躉粥、Gelato雪糕等美食。

😍😍😍想知套票幾錢、如何獲得折扣優惠,立即按圖睇埋其他禮遇😍😍😍

+4

帝逸酒店
地址:沙田源康街1號
電話:3653 1111

【5】帝都酒店 —— 歎即開生蠔、M5和牛

酒店的「郊遊樂住宿」優惠,入住高級客房一晚即送自助晚餐,任食即開生蠔及多款冰鎮海鮮、亦有炙燒波士頓龍蝦、M5和牛、火焰松露芝士醬燒原條有骨牛肉眼及多款刺身。

😍😍😍想知每晚房價、可以延遲到幾點退房,立即按圖睇睇😍😍😍

+2

帝都酒店
地址:沙田白鶴汀街八號
電話:2601 2111

【6】Eaton HK —— 包普慶餐廳自助晚餐

酒店推出的食住優惠計劃,入住一晚包埋普慶餐廳雙人早餐及自助晚餐,任食生蠔、波士頓龍蝦、鱈場蟹腳、日式刺身、澳洲頂級肉眼等美食。

😍😍😍想知每晚最平幾錢、可以延遲幾點退房,立即按圖睇睇優惠去到幾時😍😍😍

+1

Eaton HK
地址:油麻地彌敦道380號
電話:2782 1818

【7】九龍東皇冠假日酒店 —— 任食蟹腳、波士頓龍蝦、刺身

將軍澳皇冠假日酒店推出的住宿套餐,入住一晚包埋雙人自助早餐及自助晚餐,任食蟹腳、黃道蟹、黃金螺等凍海鮮,每晚供應三款刺身,包括三文魚、白鱲及八爪魚。逢星期六、日及公眾假期更有波士頓龍蝦、帶子刺身及油甘魚。

😍😍😍想知每晚房價、自助晚餐有咩送,立即按圖睇睇😍😍😍

+1

九龍東皇冠假日酒店
地址:香港將軍澳唐德街3號
電話:3983 0300

【8】皇家太平洋酒店 —— 任點任食形式buffet

酒店推出的「 饗樂住宿之旅 」計劃,入住超豪華客房或豪華海景客房一晚即送柏景餐廳雙人自助晚餐。餐廳現時依然是利用餐紙任點方式,減少客人之間的接觸。優惠期至2020年6月30日。

😍👇👇想知一晚房價幾多、自助餐有咩食?立即按圖睇睇😍👇👇

+3

皇家太平洋酒店
地址:尖沙咀廣東道33號
電話:2736 2222

【9】如心海景酒店暨會議中心 —— 落地玻璃窗望海景

酒店的食住優惠套票,入住一晚即送雙人自助晚餐,任食蟹腳、翡翠螺、青口等凍海鮮,亦有多款刺身和肉扒。酒店房間空間不少,更有落地大玻璃窗望到海景。

😍👇👇想知道一晚房價幾多、優惠去到幾時、可以延遲到幾點退房?立即按圖睇睇😍👇👇

如心海景酒店暨會議中心
地址:荃灣楊屋道8號
電話:2280 2898

【10】城市花園酒店 —— 免費享用迷你酒吧

酒店推出的食住優惠,入住全新裝修的城市客房,更可免費單次享用迷你酒吧,另外包埋雙人自助晚餐,任食紐西蘭青口、海蝦、翡翠螺等凍海鮮,亦有魚、帶子等蒸海鮮、羊架。由即日起至6月22日前預訂及入住,每間客房每次入住可免費獲贈餐酒一支。

😍👇👇想知道一晚房價幾多、有咩限時優惠、可以延遲到幾點退房,立即按圖睇睇😍👇👇

城市花園酒店
地址:北角城市花園道9號
電話:2887 2888

💡同場加映:酒店床尾巾的用途💡

酒店房中有多個細節位令客人住得更舒適,大家有對各種用品的用途有幾多認識?不少人無法理解床尾巾的用途,亦不明白床上擺放多個枕頭的原因,其實酒店還有很多小細節以便利客人,到底你知道幾多?之前在用各種用品時又有沒有做錯?👇👇👇點擊圖片看酒店用品各種用途👇👇👇

想知道床尾巾有咩作用?立即觀看全文👉👉👉酒店房4個枕頭各有作用? 床尾巾你知道用處嗎?

你可能感興趣