【生活百科】兒童房裝修攻略11招:塗料、牆紙、家具點揀好?

撰文:
最後更新日期:

文:裝修佬

小朋友天性好動,多才多藝,係天生嘅藝術家,佢哋鍾意喺屋企周圍走、喺牆身上發揮佢哋藝術家嘅天性,所以裝修時要注意嘅哋方會多好多。以下裝修佬同大家分享小朋友裝修注意事項,一齊去文!

如果家中有小朋友,購買塗料時應該額外留意。(GettyImages/視覺中國)

下載「香港01」App ,即睇城中熱話:https://hk01.app.link/qIZYuEC5LO

1) 小朋友房塗料 

由於小朋友的免疫系統及呼吸道系統相對於大人較差,因此對小朋友房的裝修就要格外注意。 

2) 塗料要無味無揮發性化學物 

裝修小朋友房時要講究通風,適當的空氣循環令室內空氣流通、排走甲醛VOC。揀選油漆產品時,應該考慮選擇無味、環保無害嘅油漆。 

3) 塗料要耐清洗 

小朋友通常比較百厭會亂畫牆身,所以牆面塗料應要容易清洗得嚟,又唔會脫落粉化,避免小朋友觸碰後透過口腔途徑進入體內,危害健康。另外仲可以留意塗料可唔可以減少附着污漬灰塵,並且耐長時間擦洗。

4) 塗料要防霉防潮

香港近海氣候潮濕,選擇塗料一定要具有防潮防霉,不易滋生細菌。牆面可以自行調節濕氣,霉菌無法附着增生,確保居家環保舒適。 

擔心小朋友在牆紙上畫畫,可以考慮抗污及易潔的牆紙。(GettyImages/視覺中國)

5) 牆紙顏色

顏色唔應該太過光鮮,雖然小朋友房設計配色要光鮮,但係過於光鮮其實不利小朋友視力發育。家長應該盡量選啞光色系嘅牆紙,選購前先準備色卡,有心水牆紙就要拎到室外睇下逆光效果。 

6) 牆紙易潔性與抗污性

小朋友天生係藝術家,鐘意喺牆紙上發揮無限創意,牆紙嘅易潔性同抗污性相當重要。除此之外,防積塵同防水性都好重要,如果可以直接用濕抹布抹牆紙,清潔時會更加輕鬆。 

如果要為小朋友購買家具,選料及設計都需要特別留意,以保護小朋友。(GettyImages/視覺中國)

7) 家具結構要穩陣

小朋友比較好動,購買家具要注意材料結實程度、組裝後是否夠穩陣、連接處有無鬆動、螺絲有無鬆脫等,確保家具使用過程安全。 

8) 家具邊角圓滑

小朋友家具要根據身高選購,所以邊角處一定要選擇圓弧設計。尖銳邊角容易劃傷、撞到,圓弧設計更安全。

9) 用料環保

眾所周知家具可能會釋放甲醛等有機化學物,影響健康,實木傢具嘅環保性就最好,取材天然,使用放心。 

購買床具時,都需要留意是否適合小朋友。(GettyImages/視覺中國)

10) 床上用品棉質材料更舒適 

市面上床上用品的織造材料有好多種,從天然棉麻到人造纖維應有盡有,對於小朋友嚟講,棉質、絲質材料嘅床上用品透氣性好、冬暖夏涼,舒適度更高。 

11) 枕頭不易過軟 

小朋友發育階段頸椎好脆弱,所以枕頭唔能夠太軟。家要要選擇軟硬適中、輕便透氣、吸濕性好嘅枕頭,枕頭太軟會影響血液循環,最好選擇頸部同頭部有貼合曲線設計嘅枕頭。

作者簡介:

裝修佬是家居裝修奇難雜症專家,希望透過文章分享及網上互動,解答巿民各式裝修難題,改變大眾對裝修方式和置家理念。

作者facebook專頁:https://www.facebook.com/hkdecoman/

(文章標題由《香港01》編輯所擬。文章純屬作者意見,不代表《香港01》立場。)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。