每個人的讀書生涯，總會遇到幾個令人印象深刻的教師，他們或者溫柔關懷，或與學生打成一片，又或在教書時突然「無厘頭」，讓人哭笑不得。每年10月5日是「國際教師日」，主題是讚揚和感謝老師，你有沒有說話想對老師說？

試過一堂60分鐘，佢教10分鐘書，50分鐘同我哋講點樣煮飯！

就讀紡織及製衣學系的Miya的生物科男老師，卻愛講煮飯多於上堂，「試過一堂60分鐘，佢教10分鐘書，50分鐘同我地講點樣煮飯！」而Lence，曾遇過「乜都識」的通識科老師，「佢上堂唔講書，講UFO啦、冥想啦，成堂喺到咁樣囉（扮冥想）」，幸好之後遇到好老師教通識，才能追回進度。

佢真係會帶啲避孕呀condom呀嗰啲畀我地玩。

護理系學生洪同學最喜愛中學生物科老師Miss Leung，原因在於她能用與別不同的方法，去令同學產生學習興趣，「Bio會有啲reproduction（繁殖），例如避孕嘅，佢真係會帶啲condom（避孕套）呀嗰啲畀我地玩。」

做你學生係我呢一生人最開心同最好運嘅事。

自言在小學時經常亂發脾氣的葉同學，曾被老師針對，不信他有做功課，幸好小六時遇到一位有耐性、願意相信及認識他的班主任葉冬青老師，「佢知道我其實唔係真係咁曳嘅學生，好努力幫我同其他同學建立好關係，幫我搵返好多朋友。」事隔多年，葉同學仍覺得做葉老師學生是一生中最幸運的事，「做你學生係我呢一生人最開心同最好運嘅事。」

佢同我哋講，如果你哋有得出pool嘅話，我就請你哋食飯。

而讀同一間中學的Mandy和Dion，感謝文學老師周惠儀，除了因為她會理性與同學討論時事、不會擺出一副高高在上的姿態外，也因為她將沉悶的文學課教得生動有趣,，亦不時關心同學表現，在習作、考卷上鼓勵學生。畢業後，二人都有與老師保持聯絡，無所不談，「我哋有一次食飯，佢（周老師）同我哋講，如果你哋有得出pool嘅話，我就請你哋食飯。」