煲劇1.25倍速起跳！連登女話有需要先回帶　網民：會覺得現實慢咗

城市人生活繁忙，節奏急促，就算是煲劇放鬆心情竟然也要追速度！有網民在討論區上發文，指自己平時煲劇都會「1.25倍速起跳」，到重要劇情時才會回帶減速細看。不少網民都表示自己會加速煲劇，「用Apps睇校開3倍速」、「用過1.5倍速真係返唔到轉頭」、「我一般會用5倍時間睇」。不過有網民就批評，加快煲劇會浪費劇集製作團隊的心思，「無時間不如唔好睇」。

下載「香港01」App ，即睇城中熱話

網民「日日食納豆」在連登討論區上發文，問「有幾多人已經唔會用1.0倍正常速睇戲？」。她指自己平時煲劇至少都會使用1.25倍速，認為Netflix更應該推出1.75倍及2倍速，她提到使用1.25倍速就不需要自行飛走劇情，不會錯過對白之餘亦可以了解到劇情及節省時間，不過到了重要劇情的時候，她還是會回帶「轉返1.0速睇」。

帖文引來網民分享自己的煲劇習慣，不少都指自己與樓主類似，會加快播放速度，「有時個鏡頭或者作畫好靚，就會校返1倍速返前面睇」、「平時角色回憶／支線非重要劇情會飛住睇，而家開1.5速飛都唔使飛，反而仲睇多咗劇情」、「用Apps睇校開3倍速睇」、「基本上咩戲都1.5倍，慣咗就覺得1倍又長又臭」、「用過1.5倍速真係返唔到轉頭」、「我一般會用5倍時間睇，人哋睇1套戲嘅時間我已經睇咗5套」。

不過亦有留言反駁，既然要煲劇就不應該加快速度，「睇YouTube片先會開倍速，睇劇睇戲睇太快會Miss好多細節」、「睇戲都要鬥快？」、「完全浪費剪接者同埋配樂喺套戲／條片花喺節奏上嘅心思」、「現代人真係愈嚟愈無耐性，自己都不知不覺變到咁」、「一套作品就咁就浪費咗」。

（連登討論區）

同場加映：大叔的愛｜阿媽煲劇迷上MIRROR　為貼海報收埋結婚相　老豆頂唔順