衛蘭(Janice)事隔三年終於又去紅館開演唱會喇！日子已經確定了在明年初1月12和13號，一連兩場已經準備賣飛。睇Janice演唱會當然係想聽佢哋歌，雖然成日有人笑佢嘅身型，甚至覺得佢已經過氣，但基本上佢出襯碟或者開演唱會都會銷量嘅保證。

雖然好期待Janice的演唱會，不過一睇張宣傳海報就覺得出事喇，一身黑身衫好成功咁將佢成日被人笑嘅身材收埋咗，但係喺個肚位突咗出嚟，搞到好似大肚咁，完全諗唔明呢個係咩玩法。就咁睇落去應該係件衫本身谷起咗，可能唔整返平係因為順便遮一遮Janice個小肚腩喇。其實Janice產品嘅設計都唔係第一次出事，想當年唱片《Wish》封面以高難度瑜伽動作為主題，結果俾網民經常惡搞，成為經典。

不過無論海報點出事都好，大家都一定好期待佢嘅演唱會，事關佢哋歌係六、七年前真係好紅，《心亂如麻》、《大哥》、《離家出走》等等都係大家唱K必唱嘅歌，當年如果唔係因為細妹衛詩單嘢影響咗佢，又加上佢身形不停俾人笑，前公司又好似半放棄狀態，佢今時今日一定唔只開兩場咁少。