鄭秀文今日出席時裝品牌活動，身為Fashion Icon的她，以一身型格西裝打扮示人。見到天后Sammi，就想起近期網上流傳她將會和楊千嬅一起參加內地歌唱節目《我是歌手》，讓觀眾十分期待。不過，當Sammi聽到這段消息，立即否認傳聞：「當然冇呢回事喇，其實我嚟緊都係忙緊拍戲，都冇時間理唱歌呢一part。」

不過內地真人騷節目所請的歌手越來越勁，身為樂壇天后的Sammi，都不例外有被邀請過參加，但都一一拒絕：「參加歌唱比賽，我會覺得壓力好大。」過往歌唱節目，歌手都出盡奶力唱歌，多數參賽歌曲都是力竭聲嘶，唔高音唔唱，而一直以跳舞歌曲及抒情溫柔作為個人特色的Sammi，拒絕參加比賽是否怕與其他歌手比下去，或有不好的評語呢？Sammi就話：「本身唱歌係一件好relax嘅事，如果將唱歌變做比賽，我會放唔開，心理質素會好差，寧願自然啲好。」