許廷鏗自從上年轉會華納之後，都算係勤力出歌。幾乎每個月都會推出一個新歌MV，今次就大玩香港人集體偶像周星馳。新歌《演員的自我修養》，唔好話畀我知呢個命題你唔知道出自邊度呀！周星馳電影《喜劇之王》當中，星爺飾演嘅主角尹天仇就正正係經常帶住呢本「演員的自我修養」，可以話貫穿整個故事。而「演員的自我修養」亦係一本真實存在嘅書籍，由著名戲劇和表演理論家康斯坦丁·斯坦尼斯拉夫斯基所著。

入返正題，今次許廷鏗新歌《演員的自我修養》MV特意找來兩位香港舞台劇演員朱柏康及韋羅莎演出，並在MV當中以一鏡到尾的方式重新演繹十個經典電影的場口，你又認唔認得晒？

1. 《喜劇之王》

2. 《廿二世紀殺人網絡》

3. 《星聲夢裡人》

4. 《鐵達尼號》

5. 《無間道》

6. 《少林足球》

7. 《葉問》

8. 《午夜凶鈴》

9. 《人鬼情未了》

10. 《E.T.》