女子組合Twins自2016年嘅《Twins LOL Live in Hong Kong》後，都好耐冇喺香港開Concert。早前接受訪問時，阿嬌就表示今年五月有機會開三場演唱會，不過場地就未落實。消息一出，唔少訂飛網就開始爭住衝出嚟話有飛訂，更有訂飛網連疑似演唱會Poster、座位表、門票價錢等細節也上載到網頁上，搏取樂迷貪快心態購票。

不過英皇昨日發聲明，表示Twins未有計劃在今年5月舉行紅館演唱會，更未有授權任何人士、公司及組織代Twins作任何推廣及購票服務。換言之，一句講晒，所有訂飛網的消息也只屬虛假，更無可能有飛賣。而該訂飛網所使用的演唱會宣傳海報，望真啲原來已經係2015年Twins開跨年演唱會嘅海報。其實紅館個期咁難Book，如果Twins真係成功爭取開騷，又點會唔第一時間喺社交平台上公佈消息呢？所以話，以後網上買飛前，都係Check清楚官方消息好啲！