【熱血街舞團】陳偉霆新歌大玩中國風 升呢做大佬帶挈學員拍MV

撰文:
最後更新日期:

張敬軒演唱會搵嚟Boy’z擔任嘉賓,攪到紅館尖叫聲有如核爆一樣,仲傳來Boy’z有計劃舉行演唱會,真係童年回憶返晒嚟﹗其實Boy’z之後仲有隊Sun Boy’z,增添新成員麥子豪以及依家紅遍內地嘅陳偉霆。最近William又出新歌,有「舞王」之稱嘅佢當然係出舞曲,仲帶挈《熱血街舞團》中嘅優秀舞者參與拍攝,升呢做大佬﹗

陳偉霆坐上「舞林江湖寶座」

【格林美音樂節】 謝霆鋒rock爆登場連唱6首歌 陳偉霆剝衫晒肌

William一向擅長快歌,舞曲又唱又跳絕對難佢唔到。新歌《一筆江湖》首次嘗試中國風,MV用上大量中國紅非常搶眼,配以氣勢磅礡嘅大量CG特效,真係相當有睇頭。《一筆江湖》作為《熱血街舞團》推廣曲,自不然加入創新舞蹈元素。節目中William已經演繹過機械木偶舞、海草舞、暗黑舞,佢之前亦提到希望為優秀舞者提供機會,所以今次MV拍攝特別邀請《熱血街舞團》戰隊中優秀舞團及舞者,例如X-CREW、ti等等,一同集體編創舞蹈。

《熱血街舞團》多位舞者都有份拍攝MV

MV中佢地喺水池首次嘗試「水舞」, 其實係拍攝當日William喺現埸同dancers即席改編而成,將現代hip-hop與中國風舞蹈融合。一眾舞者赤膊上陣,表現凌空翻騰等高難度動作,不過William就未有騷肌,MV開首一身紅色皮褸造型,中段就穿上黑色背心外加漆皮外套,結尾則是中國風刺繡上衣,導演解構服裝顔色主調由紅到黑,是特顯人物性格的蜕變,不過網友就笑言舞衣膠味甚濃,唔知係咪為咗水池一part專登揀防水物料呢?

+2
+2
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。