方大同宣布不再推原創專輯　旺角開騷兩度 Encore

已宣佈不再出專輯的大同，繼續落力演出。（黃國立攝）

方大同今晚在旺角麥花臣開騷，即使三號風球都無損樂迷興緻，幾乎全場觀眾企足整場騷，大同在台上主動提起日前的報道，指近幾天收到很多短訊，問他是否要退出樂壇，雖然他當場否認，但他說：「其實係最後一次出原創專輯。」表示會繼續出歌，觀眾聞言無不表示失望，不過，因為樂迷堅持不願離場，令他兩度安歌，更需即場睇貓紙記歌詞。

演唱期間，每當他唱畢一首歌，又或飲水時，都會聽到無限歡呼聲，更有觀眾大叫「你好靚仔」，他則回應道：「你都好靚仔。」演唱會尾段他又自製握手位，衝到台下演唱，令觀眾瘋狂。