陳蕾翻唱《亞洲星光大道》參賽歌 為當年失準平反:人總有過去!

撰文:
最後更新日期:

陳蕾今日(15/9)現身ViuTV參與音樂節目《Chill Club》錄影,曾參加亞視歌唱比賽《亞洲星光大道》中的她,接受《香港01》訪問時透露,今次在節目中會翻唱11年前參賽歌曲。談起當時選擇蔡依林《舞孃》的原因,她即指自己要為當年比賽不堪入目的表現平反:「細個搵唔啱表現方式,嗰陣得19歲,自己就想展現比較嫵媚嘅感覺,但係我失敗咗。出到嚟好尷尬,我自己後來都唔敢睇番。我預咗大家會搵番嗰段所謂『黑歷史』,但係唔緊要啦,人總有過去,希望大家見到我喺呢幾年嘅蛻變!」

陳蕾和林欣彤現身ViuTV為《Chill Club》錄影。(劉傳謙攝)

在疫情下,陳蕾不但開始練習電結他,還會學習手作,務求讓自己每日保持學習心態,令自己在假期中過得充實。她亦透露將在周五(18/9)推出新歌,盼告訴樂迷要先學會自愛,才有資格被愛。陳蕾坦言當初想寫一段關於兩個人在荒島的甜蜜故事,但最後卻改變主意:「我寫咗好耐都寫唔到,於是嘗試打破自己呢個諗法,兩個人喺荒島係咪一定係浪漫呢?從另外一個角度切入,就算荒島得兩個人,覺得有一種相依為命嘅感覺,但係如果真係唔適合,就算真係得番兩個人,佢哋都會分開。」

陳蕾星期五將推出新歌《荒島之幻象》。(劉傳謙攝)

+9
+9
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。