林欣彤飲食失調體重一度暴漲 靠營養師控制食慾:要尊重食物

撰文:劉傳謙
出版:更新:

林欣彤(Mag)今日現身ViuTV參與音樂節目《Chill Club》錄影,除重新演繹參加無綫歌唱比賽《超級巨聲2》時的比賽歌曲外,更與嘉賓主持林二汶合唱《DIVA華麗之後》插曲《如情歌》。她接受《01眾樂迷》訪問時透露,今次是首次現場演繹此曲:「出咗道兩年之後就拍《DIVA華麗之後》,(《如情歌》)係嗰陣時二汶為電影寫畀我嘅歌,我自己好鍾意呢首歌,好似我冇公開唱過,所以我好期待。」

林欣彤最近推出新歌《次元壁》,講述一對男女猶如在兩個不同宇宙中生活,難以向對方表達愛意。被問到現實中是否有同樣經歷,她指過往自己曾主動追求男生:「我唔係超級怕羞嘅人,都會有少少主動。我試過鍾意一個人,以前讀書嘅時候喺通信軟件見到鍾意嘅人上線,我都會撩下人講嘢,係咁搵話題。(結果如何?)佢都對我有意思,但算係細個嗰陣嘅puppy love,無疾而終。」

林欣彤指自己曾主動追求心上人。(劉傳謙攝)

早前有報道指,林欣彤因飲食失調導致體重暴脹,她解釋日前食慾失控,即使已經食得非常飽,但仍會想繼續進食。她透露最近在營養師監督下已開始減磅,又向樂迷分享減肥心得:「會同自己講,其實暴食係唔啱嘅,人食嘢係為咗吸收能量繼續生存,而唔係明知食多咗都照食。可以話係要尊重食物,尤其是食緊動物嘅話。另外要食慢啲,食嘢之前飲一大杯清水,都可能有幫助。」

另外,談起日前與好友許廷鏗(Alfred)、鄭欣宜(Joyce)不約而同地在社交網站貼醜照,她直言:「係許廷鏗po先嘅!我一直都冇po,我有諗過問佢哋,一直都猶豫緊,點知佢問都冇問就po咗!我當然要po返出嚟,Joyce見到都即刻po,所以加埋就有3張。」

+9