【小鬼逝世】江伊晴感震驚　稱身體健康最重要：當初以為係講笑

江伊晴（Elaine，前名江若琳）今日（16/9）現身ViuTV為音樂節目《Chill Club》錄影，並與同為2007年出道的陳柏宇（Jason）和小肥同台。她在節目中會演繹《傷情路》、《Show You》等舊歌，又指：「《傷情路》喺咁多年裏面，去到邊度登台、工作，都會指定要我唱，所以《傷情路》喺十幾年陪我走過好多地方。」

離上一首派台歌《我只不過是我》已有3年，被問到會否在音樂上有新計劃，江伊晴坦言一直有考慮出新歌，但目前仍等待適合時機：「如果有一個好嘅緣分遇到一首好嘅歌，我又想唱，咁都可能會出，但係依家唱住舊歌先。（依家時機唔啱？）依家未係最適合嘅時間，我唔想貿貿然出咗首歌，三個月後完咗就算，出歌係全盤嘅計劃。」

談到台灣男藝人黃鴻升（小鬼）逝世，江伊晴感到震驚，盼大家珍惜身邊人：「我當初以為係講笑，明明記得前幾日仲睇到佢嘅新聞，完全連繫唔到係同一個人。呢兩年有太多唔開心嘅消息，氣氛又唔好，我覺得依家冇嘢比身體健康更加重要。」