鄭欣宜演繹大人童謠 慨嘆香港兒歌式微:以前喺入面學到好多中文

撰文:劉傳謙
出版:更新:

鄭欣宜(Joyce)在宣佈正式加盟寰亞音樂當日,同時推出轉會後首支單曲《小夜燈》。這首歌源於Joyce在8月於社交平台上載年少時與外婆合照,又以一句寧波語搖籃曲點題,憶起過往與婆婆同床睡覺的日子,填詞人黃偉文(Wyman)看到這段故事後留言:「為什麼不把這個美麗的故事變成一首歌?」當時Joyce亦回覆指:「因為一定要是找你寫!」

鄭欣宜加盟寰亞唱片 獲Do姐撐場做司儀超感動:差啲忍唔住喊!

鄭欣宜難忘與婆婆孖鋪17年 黃偉文留言反獲邀將故事變成歌詞

一張與婆婆的合照,意外促成今次Joyce與Wyman的合作。(鄭欣宜Instagram圖片)

Joyce接受《香港01》訪問時透露,在Wyman答應為她為新歌填詞後,第一時間想到何山兩年前為自己寫的Demo:「Wyman真係好留意我,好錫我,佢見到個post之後就提議,不如做返首大人嘅兒歌。我覺得好襯呢首Demo,因為聽嘅時候覺得好有空間感,好似(見到)一片大嘅星空,Demo嘅編曲都好完整,已經有一種好似童話故事嘅感覺,佢聽完之後都覺得好有感覺。」

Wyman決定要為成年人寫一首童謠後,欣宜就想起兩年前何山寫給自己的Demo。(梁碧玲攝)

慨嘆兒歌愈來愈少:以前放學會睇《閃電傳真機》

Joyce小時候唱兒歌出身(包括《夏日飛舞》、《星星傳說》和《Thank You 媽咪》),加上她從少已經常在幕前露面,所以早前在記招中被「Do姐」鄭裕玲指是「集體回憶」,她笑言這次演繹童謠曲風仿佛重操故業,又感慨這一代年輕人較少機會接觸兒歌:「近幾年係少咗兒歌,但係我記得,以前每日放學返到屋企都會開電視睇《閃電傳真機》,裏面會有兒歌嘅環節,我會喺兒歌入面學到好多中文,亦都覺得有兒歌入面嘅人物同唱兒歌嘅人陪住我一齊成長。依家少咗兒歌,唔知嗰時同我一齊聽兒歌嘅人,依家聽返呢啲又會有咩感覺呢?」

+2

《小夜燈》的MV大部分時間都以動畫交代,當中亦有部分Joyce在鏡頭前咪嘴的畫面。她談到在MV中不禁流淚時解釋:「拍嗰一幕嘅氣氛清靜,當諗返起這首歌嘅意境,再了解歌詞入面嘅意思,我就會好自然咁諗起過往一啲唔開心嘅回憶,當自己再諗點樣面對將來嘅時候,就會莫名其妙地有種想哭的感覺。」

MV亦有部分Joyce在鏡頭前咪嘴的畫面,她唱到最後亦忍不住淚水。(《小夜燈》MV截圖)