曾樂彤今日（15/1）推出翻唱歌，在《IFPI音樂永續》舊歌重唱計劃下，她重新演繹張柏芝2000年的經典歌曲《不一樣的我》。舊版本希望鼓勵聽眾擺脫逝去的愛情，要重新出發，而曾樂彤則將原作改用較清新的風格演繹，像是交代自己已放下舊情，重新振作，回望過去，雖然有種淡淡然的傷感，卻也會心微笑。

雖然《不一樣的我》推出時曾樂彤只得6歲，但這次翻唱，她對歌曲有透徹的詮釋，希望用一種悠然自在的感覺重新演繹：「歌詞上係講緊一個分咗手嘅人之後有一個唔同嘅心態，唔係好傷心，反而係釋放咗自己，變成一個更加好嘅自己。所以今次呢個MV以靚靚為主，希望帶到歡樂畀大家。」

拍攝MV當日撞正寒流襲港，氣溫驟降至十度以下，而其中一個場景便是欣澳外景，不過穿着薄紗短裙的曾樂彤笑言「濕濕碎」：「因為以往我拍外景、拍MV嘅經驗，唔係黑色暴雨警告就係要暴曬，同事都嗌晒救命，對比起今次嚟講比較好，只不過係暴風啫，但拍出嚟嘅感覺好夏天，所以自己都好期待。」