柳應廷為補祝情人節買定禮物 AK談擇偶條件:要接受我嘅工作環境
撰文:劉傳謙
出版:更新:
MIRROR成員Jer(柳應廷)、AK(江𤒹生)和姜濤,今日(14/2)現身尖沙咀某商場,出席網上記者會。前者透露今日首度在工作中度過,未能與另一半慶祝,指會安排時間補祝:「我準備咗份小禮物畀佢,係佢鍾意嘅,我諗佢應該估唔到,應該會鍾意。(透露下係咩嚟?)可以著上身嘅。」
姜濤情人節病住開工 呼籲粉絲不要再贈送食物:我真係肥咗好多!
至於AK和姜濤一樣,目前依然單身,他透露上年在工作後收到歌迷送的花,並轉贈給媽媽,令她相當歡喜。問到擇偶條件時,他指:「入咗行之後就發覺,真係可以搵一個可以理解我哋工作嘅人,或者接受到我哋工作環境嘅女仔優先。始終我哋做緊嘅行業同以前好唔同,我覺得呢個係大前提。」
談到各人的開工利是,Jer自爆忘記準備:「我唔知新年係要派開工利是,以為係結咗婚先要派,所以我冇準備。但係我見到佢哋(AK和姜濤)都有準備,佢哋又冇同我講聲,抵打!」姜濤即指:「我都係跟AK學習,我第一年都冇派到,今次輪到Jer跟AK學習啦!」
點擊下列圖輯,欣賞更多姜濤、AK、阿Jer靚相:
+15