謝霆鋒演唱會｜天后秒變粉絲：第一次聽《無聲仿有聲》只係小丫頭

撰文：洪曉璇
出版：更新：

謝霆鋒相隔25年再開個唱，更成為第一位亞洲歌手登上啟德體育園主場館開演唱會，同門英皇上下藝人幾近全員到齊撐場，天后容祖兒在霆鋒面前都秒變小粉絲：「想當日第一次聽無聲仿有聲，我只係剛剛加入公司小丫頭。」

謝霆鋒首場啟德個唱大獲好評。（影片截圖）
謝霆鋒首場啟德個唱大獲好評。（影片截圖）
謝霆鋒首場啟德個唱大獲好評。（影片截圖）
謝霆鋒首場啟德個唱大獲好評。（影片截圖）

JOEY與阿SA蔡卓妍幾近企足全場，跟住又唱又跳相當興奮：「今個禮拜以為唔使去澳門可以唞吓把聲，點不知今日喺啟德嗌到差啲失咗聲㖭。謝霆鋒你以為淨係你喺台上唱到索氣呀？我哋做觀眾都爭啲斷氣啊！全晚又激動又感動，我都唔知自己想點😂🥹😛🤣🥰😍想當日第一次聽無聲仿有聲，我只係剛剛加入公司小丫頭，見到你個背影都俾你嚇親。但係總結咁多年後，你係我見過最好嘅男人之一，經過咗今晚全場觀眾為你歡呼喝采，相信大家等了25年都值得！我哋一家人為你驕傲！唯一不滿意就係你明明應承咗我哋唱嘅……「壞習慣」究竟去咗邊呢？呢個壞習慣要改啦。」

容祖兒蔡卓妍結伴睇謝霆鋒首場啟德個唱。（影片截圖）
容祖兒蔡卓妍結伴睇謝霆鋒首場啟德個唱。（影片截圖）
容祖兒蔡卓妍結伴睇謝霆鋒首場啟德個唱。（影片截圖）
容祖兒蔡卓妍結伴睇謝霆鋒首場啟德個唱。（影片截圖）
容祖兒蔡卓妍結伴睇謝霆鋒首場啟德個唱。（影片截圖）
容祖兒攬實經理人霍汶希MANI。（影片截圖）
演唱會
謝霆鋒
容祖兒