MIRROR拍MV跳足23小時 AK沙地不慎跌傷:冇聽到Jer嘅秘訣就出事

撰文:
最後更新日期:

MIRROR昨晚(26/3)推出新歌《WARRIOR》MV,歌曲舞步邀得肥仔(梁業)參與編排工作,拍攝MV前更用兩星期進行密集式特訓。他們為了今次MV拍足23小時,期間更邊跳舞邊灑爽身粉,表現雀躍。

點擊圖輯,睇睇MV精彩鏡頭:

+28
+28
+28

Alton貪玩爽身粉慘變雪人

MIRROR今日(27/3)在記者會上宣布,《MIRROR “ONE & ALL”LIVE 2021》將加開9-10日兩場,除了大談演唱會準備功夫外,他們亦分享拍攝MV期間的趣事。Alton(王智德)指過程順利,惟自己因貪玩而影響進度:「我哋每人都攞住一堆爽身粉,因為小弟貪心,攞咗好大堆,喺拍嘅時候就『害人終害己』,淋咗落自己度,所以成程都係白濛濛一片,自己睇唔到嘢,就焗住要嗌Cut。」被隊長Lokman(楊樂文)笑指是「雪人」的他續指,該段落已是拍攝尾聲,大家在亢奮情況下跳舞,相信觀眾能夠感受該股力量。

Alton指自己貪玩爽身粉「害人終害己」。(葉志明攝)

該幕要求MIRROR成員在沙地跳舞,AK(江𤒹生)透露自己不慎受傷:「嗰幕要我喺沙地中間飛出去,其實前面有好多沙,但係我偏偏揀咗冇沙嘅地方衝過去,跟住膝頭磨一磨就流血,皮外傷嚟嘅,好小事。嗰下就係聽唔到Jer(柳應廷)嘅『沙地秘訣』,咁就出事啦,好彩冇影響到進度。」究竟「沙地跳舞秘訣」是甚麼?Jer指:「盡量要喺平嘅沙地跳,唔好喺勁厚嘅沙度跳。」Edan補充:「最緊要鞋抓地力夠,腳趾夠力抓住啲沙。」

AK在跳舞期間受傷,幸好只是皮外傷。(MV截圖)

花姐為MV延期解畫:令佢哋做到更好嘅嘢

不過,MV延期一日後才面世,當時令不少期待已久的「鏡粉」感到失望。經理人花姐(黃慧君)解釋時,亦為導演TinTinPo及Faith Ma平反:「佢交咗畀我之後就講對唔住,話因為時間關係,心目中想做到嘅效果未做得到。我聽到之後好感動,其實導演用咗好多人手幫佢,出咗好多力,如果延期一日就可以令佢哋做到更好嘅嘢,點解唔畀機會呢?」雖然網民看到製成品仍有瑕疵,但花姐指效果可接受。

花姐為求MV達到最佳效果,願意給年輕導演TinTinPo及Faith Ma多一日時間修改。(葉志明攝)

談到歌詞中將「逐一」誤寫成「續一」,花姐承認最初未察覺到:「去到噚日仲係好趕,最後都係要再延遲半個鐘,因為我哋喺7點半仲喺導演嘅工作室改緊嘢。我哋係有疏忽,好高興大家留意到,畀啲意見我,見到呢啲留言之後就知下次可以點樣再做好啲。例如我哋畀多啲時間喺製作,唔好咁趕,令件事再完美啲,希望大家包容,下次會再做好啲。」

點擊圖輯睇MV拍攝花絮:

+7
+7
+7


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。