莫文蔚重返香港樂壇搞作多 20年後再出廣東碟:冇理由得兩隻新歌

撰文:
最後更新日期:

「我喺呢過去十幾年,除咗而家呢段時間,基本上都冇停留過喺香港,一路都係出國語碟,同埋走緊Tour,所以(每次)返嚟香港都係返屋企睇下我阿媽,換啲行李,然後又要走。」近日積極籌備六月紅館騷(《絕色莫文蔚世界巡迴演唱會香港站2021》)的莫文蔚(Karen)說。

對本地歌迷而言,Karen今趟回歸香港樂壇,實在是久違了。數數手指,在《呼吸有害》橫掃五台之前,對上一首派台的廣東歌已是6年前與麥浚龍(Juno)合唱的《瑕疵》;對上一次在香港開騷,是《極度莫文蔚巡迴演唱會》,16年前;對上一次推出的廣東專輯《一朵金花》是2001年出品,足足20年前的事!所以她承認今次回港不會純粹亮相樂壇頒獎禮和再踏紅館舞台,更會推出全新廣東專輯。「嚟緊又有演唱會,冇理由得兩首新廣東歌㗎嘛!」

撰文:游大東

相隔20年後,莫文蔚表示將會在今年推出全新廣東專輯。

專訪(上)︱莫文蔚6月紅館騷後告別大舞台 稱見好就收:唔想死做爛做

專訪(下)︱莫文蔚細訴5首廣東舊歌的故事:希望作品唔會被時間淘汰!

因世紀疫情而成就的新廣東專輯

事實上,Karen早前接受專訪時已承認會出碟,並指新專輯屬於細碟規模。相隔20年後再推出新廣東專輯,Karen為這或多或少跟世紀疫情有關。「細個已考咗八級鋼琴,疫情下練番琴,感覺似多番一樣技能,而且(這回事)直接影響音樂創作。我一向好鍾意將東西方或者一啲前衛音樂Mix埋一次,而家彈番古典樂譜,令我有好多想法,喺音樂創作上可以加好多唔同元素,都玩得幾High。」

談到新碟的合作伙伴,除了羅健成、鄧智偉、莊冬昕(《呼吸有害》);周耀輝、Coey Young、Bert、麥浚龍(《因一個人而流出一滴淚》)之外,也有本地新人,「我成日都有新識嘅藝人朋友,發現而家香港真係多咗好多Singer Song Writer,如果係啱傾嘅話,就睇下大家有冇機會夾歌,其實嚟緊已經會有。」

芸芸新一代本地唱作歌手中,Karen尤其喜歡黃妍。Karen說:「我覺得佢好Talented,識作曲,識自彈自唱,又唱得好。」

對新人要多鼓勵:你要Groom你自己嘅Artist

雖然Karen沒有透露更多細節,不過在眾多新一代唱作人之中,她特別喜歡同屬Sony Music的黃妍(Cath)。「我覺得佢好Talented,識作曲,識自彈自唱,又唱得好,又識畫嘢同寫嘢,乜都得,所以幾喜歡呢個妹妹。」Karen又指,今次難得長時間留在香港,發現跟廿多年前她剛剛出道的時候相比,今天的本地樂壇變得更多元化,「當年(1993年)我初出道嘅時候,香港樂壇係好蓬勃,但(流行曲)來來去去都係嗰啲類型,好大路嘅情歌、K歌,冇幾耐我就去咗台灣,發覺當地好多唔同嘅音樂品種,Indie嘢又有、Band又有,有啲又好文人(風格),成件事就好好玩。」

Karen認為,說到音樂創作,文化土壤很重要,「你一定要成個環境(元素)好豐富,做Creative先可以揮得更好。」所以現時香港應該比當年好一點了吧?「我覺得Social Media嘅出現,係令大家多咗好多唔同渠道聽唔同嘅嘢,接觸多咗,你對音樂就自然會多咗睇法,自己唔會被局限。」當然,樂迷的眼光和心態上也要改變,對於本地創作,應該多加鼓勵與支持。「我覺得大家可以Open Minded一啲,無論係聽眾定係呢個行業嘅人,都應該互相鼓勵多啲。你要Groom(培養)你自己(地方)嘅Artist,要畀機會新人,如果唔係本地歌手好難長大。」

莫文蔚(Karen)現正積極準備於六月在紅館舉行的《絕色莫文蔚世界巡迴演唱會香港站2021》,屆時會為香港觀眾度身訂做不一樣的「終極歌單」,預先向香港的Fans派定心丸:「好多之前冇機會唱嘅廣東歌,都會擺入去今次呢個騷,所以Rundown會有好多調整,加咗好多廣東歌。」

聯合監製新歌 Juno為Karen「加戲」

談到早前派台的《因一個人而流出一滴淚》,這是繼《瑕疵》合唱後,6年來再與Juno合作。Karen坦言,全因Juno夠誠意才成就這首新歌。「上次《瑕疪》係前菜,好正但唔夠喉,撞啱舊年夏天英國封城時收到Juno嘅短訊,話有首歌好啱我唱,聽完發現唔係一般嘅廣東歌,旋律本身已經好有畫面。」之後Karen與Juno不斷以短訊往來,最終令本來未有打算回港的Karen返港錄歌。

雖然今次新歌是Karen跟Juno聯合監製,不過Karen笑指自己走進錄音室後,立即變成一位聽話的演員,其他事情都交予Juno拍板,她對Juno的判斷力很有信心。原來錄音期間,Juno更「加戲」讓Karen演繹,Juno說:「歌曲開首Karen嘅心跳聲夾雜巡唱裏面聽到嘅掌聲、歡呼聲,好似(同時)反映外面嘅世界同Karen嘅內心世界(扣連),然後Karen講咗一句『我返咗嚟』,再吸氣開始唱⋯⋯我想首歌一開始係一個好有畫面嘅前奏。」

繼2015年的《瑕疵》後,莫文蔚與麥浚龍於新歌《因一個人而流出一滴淚》再次合作,一同擔任歌曲監製。Karen坦言,全因Juno夠誠意才成就這首新歌。

兩度合作後有默契 拍MV不如拍戲?

除此之外,Juno亦在歌曲中放大了Karen的吸氣和呼氣聲,因為他覺得這些呼吸聲都包含感情,再加上磅礡編曲,營造蕩氣迴腸的感覺,這些細節不僅帶動歌曲起承轉合,亦捉緊聽眾的情緒,聽到最後甚至會有種令人難以釋懷的感覺。對於Juno的構思,Karen說是神來之筆,而向來專業的Karen,為了唱出最佳效果,在錄音前要專注養聲及培養情緒,形容好像要準備一次Live Show一樣。

經過兩次合作,Karen與Juno的默契與信任度大大提高,Juno更形容今次過程好像拍電影。被問到二人日後可會有更多不同範疇的嘗試,例如拍攝MV,Karen即道:「拍MV?不如拍電影啦!」Juno認同:「既然要有故事情景角色個性,再合作就應該係拍電影喇。」Karen坦言:「都係時候喇!」且看二人將來會否在大銀幕上有新搞作。

點擊下列圖輯,欣賞更多《因一個人而流出一滴淚》的精美照片:



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。