胡楓演唱會︱《愛回家》殺入紅館 林淑敏自爆唔離巢關修哥事

撰文:劉傳謙
出版:更新:

藝人胡楓(修哥)今日(19/6)在紅館舉行《胡楓約你開心派對2021》演唱會,以89歲之齡打破自己3年前所創下,最年長歌手在紅館舉行演唱會的紀錄。今晚修哥獲方國珊、蔡一傑、余安安、盧海鵬等到場支持。

修哥昨日拜神時,透露自己喉嚨有不適,害怕今日聲沙影響發揮。不過他一開始唱起《情花開》、《隨想曲》、《雙星情歌》和《相識也是緣分》等歌曲時,似乎狀態不俗。及後,他邀請今晚第一批嘉賓,9位《愛.回家之開心速遞》演員林淑敏、呂慧儀、蘇韻姿、鄭世豪、張景淳、陳浚霆、吳偉豪、許家傑和葉蒨文上台,並以主題曲《開心速遞》與台下觀眾見面。

《愛.回家之開心速遞》一班演員擔任修哥演唱會嘉賓。(葉志明攝)

一眾演員見到「陸村長」後十分雀躍,呂慧儀及後更拿起手機,與全場所有人自拍。在台上,林淑敏憶起一段往事:「我記得啱啱入行嘅時候,我喺一個活動入面見到修哥,佢同我講『我喺電視機見過你,你要加油,雖然睇你個樣唔會即刻紅,但係你會撈到飯食』,我每一次想唔簽TVB嘅時候就會諗起,修哥好似覺得我仲得,多謝修哥,如果唔係你我都唔會咁堅持。」但修哥卻笑稱不記得曾經講過。然後,他們與修哥合唱一曲《舊歡如夢》。

+3
發表評論...