炎明熹兼顧工作學業感輕鬆　又唱《沒有你還是愛你》係自己揀？

炎明熹（Gigi）今日（23/7）現身西九文化區藝術公園，參與一個奧運活動，她先在開幕禮前獨唱一曲《沒有你還是愛你》，入夜後再與冼靖峰（Archie）、文凱婷（Aeren）等7位《聲夢傳奇》學員合唱《奪金》和《拼圖》，可說是由天光唱到天黑！

其後Gigi接受《香港01》訪問時，指《沒有你還是愛你》並非由自己選擇，也沒有追問是誰點名演繹這首歌曲，但對可以再唱在比賽中唱過的歌曲感到高興。過往Gigi大多數時間都選唱《守望麥田》和其他經典歌，若然有機會自行挑選一首作品，Gigi會唱新歌還是舊歌？她稱：「如果下次有機會，我可能會擺上社交平台畀其他人投票。（樂迷決定？）係。」樂迷記得留意Gigi日後開放的點唱機會！

Gigi在比賽後與其他《聲夢》學員一樣，要開始準備演唱會和拍劇。被問到工作、學業同時兼顧會否感到有壓力，她認為最近狀態輕鬆，目前正適應新的生活節奏：「我嘅適應能力都ok，喺呢段時間都慢慢習慣緊。（會唔會壓力大到瞓唔著？）咁就暫時未有，因為我覺得最近自己都係放鬆，感覺係比較輕鬆。（搵到減壓方法？）未，但係畢竟比賽都完咗，自己嘅心理壓力都冇咁大。」