太極演唱會|鄭中基稱本來想合唱《紅色跑車》:小朋友淨係識呢首

撰文:劉傳謙
出版:更新:
小肥與雷有暉在台上有講有笑。(葉兆康攝)

《太極Rainbow After Rain演唱會》今日(7/8)起一連兩日在紅館舉行,今晚台上可謂星光熠熠,在《正義勇士》後,太極就接連邀請嘉賓到台上獻唱,原來他們都與已故鍵琴手唐奕聰(Gary)關係密切。

One Promise與Patrick合唱《枕頭》。(葉兆康攝)

第一位登場的小肥(徐志勇),他指自己第一次在香港舉行的演唱會曾與Gary Tong合作,因此結緣。而今晚選唱的《痛》,結他手Joey Tang(鄧建明)就指意義深遠:「呢首歌係Gary寫畀我唱,有好多個Live我都會同Gary合唱,今晚你就代替Gary嚟同我合唱。」

Thor和Pam合唱《冬季來的女人》。(葉兆康攝)

其後登場的樂隊One Promise,除了獲Gary監製外,更互相答應日後要在台上合唱一曲,今晚就與雷有暉(Patrick)合唱《枕頭》,象徵兌現Gary生前承諾。隨後太極邀請《Chill Club》主持駱振偉(Thor)及和音鍾達茵(Pam)合唱《冬季來的女人》,Thor指Gary在上年的《成熟·不了》除了負責錄音,為求把成品做好,也擔起部份監製的工作。

Ronald唱起自己的作品《廢中》。(葉兆康攝)

最後鄭中基(Ronald)笑指路過紅館,決定要上台獻唱,又笑指:「好耐冇企喺呢度啦,好想講句『食咗飯未呀?』」他稱全家第一首認識太極的作品就是《紅色跑車》:「上次演唱會,Pat哥同Joey Tang晚晚都唱《紅色跑車》,依家我啲小朋友淨係識《紅色跑車》。頭先小朋友聽到就問係咪《紅色跑車》,之後就出嚟聽。所以我哋姓鄭呢家人,第一首聽嘅都係《紅色跑車》。」他又指本來打算唱《紅色跑車》,後來決定唱由Gary負責編曲、監製的《廢中》。隨後太極一邊唱歌,一邊與Keyman(馬啟仁)和商台DJ Marco回憶往事。