太極演唱會|雷有暉稱與周慧敏合唱返老還童 預告Mr.做尾場嘉賓

撰文:劉傳謙
出版:更新:

《太極Rainbow After Rain演唱會》昨晚(7/8)在紅館完成頭場,五子在後台接受傳媒訪問,談到最後唱《留住我吧》時忍不住淚水,低音結他手盛旦華(蛇仔)直言當下情緒始料不及:「本身我哋綵排嘅時候已經好感動,但係估唔到導演會出招,本身綵排嘅時候唔係用呢個版本,冇諗過佢會將Gary(唐奕聰)把聲加上去。」主音雷有暉(Patrick)也指:「綵排嘅時候已經喊咗,於是諗住自己表演嘅時候唔會喊啦,但係估唔到監製會出呢一招,出其不意,一聽到佢把聲就忍唔住。」

監製突然將Gary的歌聲加入在背景音樂之中,這份驚喜令太極五子忍不住淚水。(葉兆康攝)

Patrick又指今晚演唱會值200分,不過自己和觀眾只各佔50分,稱昨晚功勞歸於台上每一位嘉賓。結他手鄧建明(Joey)指在安排嘉賓上,會考慮他們過去與Gary合作的點滴,例如今晚短暫重組的Mr.就是Gary第一支擔任監製的樂隊。不過Mr.最近各有各忙,理論上很難抽時間再重組,被問到今次是否因太極邀請而答應重組,五子急忙地澄清:「係Gary Tong嘅面子!」

Patrick將功勞歸於曾與Gary合作而答應做嘉賓的每一位歌手。(葉兆康攝)

昨晚嘉賓陣容鼎盛,除了鄭中基、張敬軒、樂隊One Promise、小肥、駱振偉和江𤒹生(AK)外,更邀得周慧敏(Vivian)上台合唱。事隔30年再次同台演出,Patrick直言:「直頭係重拾我細個時候嘅夢想,夢想再達成一次,啲青春返晒嚟,永遠都係玉女。」五子隨即回想起過去與Vivian一起走巡迴演出的點滴,結他手劉賢德(HiFi德)稱非常記得對方有禮貌:「有一段時間我哋要留喺台灣,但係佢要飛返香港幾日之後先再加入,我記得佢臨走係去逐間房拍門,嚟同我哋講再見。」不過其他隊友卻指對方只是有親口向HiFi德道別,Joey Tang更笑指已經「斷片」,腦海中只剩下麻辣火鍋。至於今日在台上,太極成員都有分享與Gary的往事,鼓手朱翰博(Ricky)笑指:「邊個冇嚟就爆邊個(秘密),正如有時我冇出現,我都畀人爆過。」

今晚Vivian擔任嘉賓,令太極嘅回憶返晒嚟!(葉兆康攝)

重溫頭場嘉賓陣容:

+11