許靖韻邀馮允謙合寫新歌　任MV女主角貪新鮮出軌：好多人都經歷過

許靖韻（Angela）推出新歌《I’m Sorry》，有別以往作品多半是站於受害者的立場，唱出在戀愛中被傷害的痛苦，新歌邀得馮允謙（Jay）、蘇道哲一起與自己聯手作曲，而填詞人張楚翹則以出軌者的身份出發，寫出歌曲中女主角在一段三角關係中的愧疚。歌詞談及女主角一邊拖着拍拖多年的男朋友，另一邊卻貪圖一時的新鮮感，搭上新男伴，一腳踏兩船，自知對不起男朋友，卻又可惡在控制不了自己，貪心在兩個都愛，兩邊都不想放手。Angela說：「我覺得呢首歌係好多人都會經歷過嘅一個感情狀況，唔係話我要去做壞人，我係要去選擇嗰個。」

問到現實情況，Angela自言是個期待長遠關係的人：「我自己之前嘅感情關係都比較長，我比較鍾意溝通，亦都會花時間去了解大家。首先要好明白大家工作，亦都要好了解大家性格。我唔鍾意大吵大鬧，譬如我有唔鍾意嘅嘢，我會直接同對方講，或者對方有唔滿意，我都希望佢直接同我講，咁大家嘅關係先會行得遠。」而在一段關係中，如何保持自我，她認為要有自己的生活、自己的朋友圈子：「唔可以淨係圍住另一半轉，有自己的生活、工作同朋友，唔會依賴晒另一半。」