王菀之 X 伍仲衡新碟《仍然記得嗰一次》 概念照張張靚爆文青味

撰文:陳栢宇
出版:更新:

王菀之(Ivana)與著名音樂人伍仲衡為紀念相識超過二十周年,攜手合作專輯《仍然記得嗰一次》,Ivana感激伍仲衡為音樂路上「伯樂」帶她入行。雖然專輯於大半年前開始構思,但音樂製作只花了兩個月時間光速完成,伍仲衡笑言破晒人生紀錄,笑言以專輯紀念友誼是一件「好威水」的事情!

為配合專輯日與夜的意念,Ivana與伍仲衡分別走訪香港多個特別景點影靚相,穿著白色長裙仙氣十足的Ivana,由清晨開始在不同文青咖啡店打卡,期間在一間有貓貓的店裏邊玩貓邊拍照,而在一間佈滿書籍的咖啡店裏,她更創意爆發即場寫了一段旋律。至於伍仲衡就則從黃昏開始穿梭香港大街小巷拍攝,悠然地在大排檔歎奶茶,在街市水果檔與街坊閒聊,再到舊式唱片舖尋寶。

點擊下圖觀看Ivana靚相:

+4

這次與伍仲衡合作專輯,Ivana表示非常開心和期待,她說:「呢張專輯係一個Special Project,我好期待,因為對我嚟講唔只係一個出碟嘅意義,仲記錄咗我和伍仲衡,兩個音樂創作人識咗二十幾年嘅友誼,係一個Celebration Project。」云云音樂界好友,為何只有與伍仲衡慶祝相識而出專輯呢?她說:「因為伍仲衡帶我入行,佢係我音樂路上嘅『伯樂』,我想以一個特別嘅音樂形式,慶祝和紀念呢份友誼,感謝佢。」

王菀之直言伍仲衡是「伯樂」,所以想一個特別的音樂形式,慶祝和紀念這份友誼。

至於伍仲衡,一邊忙著自己的音樂會,又要為這次專輯做監製,他坦言每天與時間競賽,兩個月光速完成,破晒個人紀錄。他說:「今次最大挑戰係時間,兩個月做起12首歌,過往至少花大半年以上。呢兩個月幾乎日日錄音,除咗錄Ivana唱歌,我仲要負責好多樂器和混音。」

伍仲衡對這隻專輯非常用心,事事親力親為:「完全屬於我嘅Baby!」

回想與Ivana第一次碰面要數到二十多年前。他說:「大約21年前,由朋友介紹Ivana幫我唱demo,我第一次聽到佢把聲,嘩好好聽。原來佢自己都識寫歌,於是佢幫我唱demo,我幫佢做demo,好快佢嘅歌由張學友唱咗(《我真的受傷了》),成為大家都好鍾意嘅歌,後來Ivana讀完書返嚟香港做歌手。」專輯收錄了一半是伍仲衡的作品,另一半是他和Ivana都很喜愛的前輩作品。他說:「我覺得以專輯去紀念一段友誼係『好威水』嘅事,呢份禮物用錢都買唔到,而且係長青,再過多20年甚至30年聽都依然咁正。過往為其他歌手做碟錄完歌我就唔使理其他嘢,但呢張碟連影封面都有我份,所以特別有意義,係完全屬於我嘅Baby!」