Anton@ONE PROMISE攞起鼓棍拍MV引懸念 預告11月中以新姿態亮相

撰文:劉傳謙
出版:更新:

樂隊ONE PROMISE昨日(25/10)現身ViuTV參與音樂節目《Chill Club》錄影,除了獻唱新歌《平凡人的自傳》外,也與MIRROR成員AK(江熚生)和Lokman(楊樂文)編排一段長達10分鐘的medley。主音文迪透露今集將為觀眾帶來新驚喜:「我哋喺揀歌嘅時候已經好有火花,大家都扔咗好多嘢出嚟,加上我哋有一啲新轉變,所以之後再傾就同本身扔過出嚟嘅歌有啲唔同,但係都揀咗一啲好玩嘅歌。」

ONE PROMISE參與《Chill Club》錄影。(劉傳謙攝)

在《平凡人的自傳》MV中,鼓手Anton也有手持股棍的鏡頭,他解釋:「其實做到係好似有打鼓啫,想畀個懸念觀眾,估吓究竟我到最後有冇打鼓。嚟緊出完歌後會有好多表演,觀眾一定要嚟睇,睇吓會有新面貌,定係我可以埋返套鼓呢?依家就唔同大家講住,畀啲神秘感,不過我都有keep住睇醫生,進度良好。(隨時準備好?)上年有同大家講過『明年見』,ONE PROMISE最睇重係承諾,應承咗嘅就一定要做。」結他手天衡透露,11月中樂隊將在赤柱參與演出,屆時全新面貌的ONE PROMISE也正式與樂迷見面。

ONE PROMISE預告將以新姿態見面。(劉傳謙攝)