陳蕾演唱會｜岑寧兒與陳蕾合唱新歌唔對望：突顯我哋兩個嘅共通點

岑寧兒（Yoyo）一連四晚都擔任《陳蕾沙門演唱會2021》嘉賓，猶如成為演唱會歌單內的其中一個重要元素。除了《風的形狀》外，Yoyo也先後與陳蕾合唱《勿念》和《屈機》。昨晚她的行程可謂非常忙碌，在到達旺角麥花臣前，Yoyo要先到九展出席《Shocking Pink 萬聖節黃昏音樂會》獻唱。

Yoyo在九展接受《香港01》訪問，她直言能在麥花臣做到演唱會內的燈光、舞台效果實在非常難得，非常替好朋友高興：「佢哋觀眾好熱情，大家都好用心睇，呢個show係一個做得非常好嘅製作，歌好聽，佢唱得好，我覺得有一個咁嘅表演真係好好，戥佢開心。」

記者留意到，當Yoyo和陳蕾合唱《勿念》時，她們全程沒有對望，她解釋：「呢首歌係講一啲關於人喺任何情況嘅掛念，所以合唱嘅時候如果對望就會好奇怪，所以導演安排咗我哋前後企。佢都有問我哋唔對望得唔得，我哋都覺得可以，聽到就得。好似依家咁前後企，就會突顯到兩個都係掛住屋企嘅人，而呢個就係我同佢嘅共通點。」問到何時輪到Yoyo開騷，她稱要留待今年的廣東歌專輯完成後才開始計劃。