在中環海濱的《Meanwhile 2021》戶外音樂會，今日（4/12）來到最後一日。演唱會在第二日以「Now」為主題，邀請Dear Jane、RubberBand、野佬和MC $oho & KidNey等單位獻聲。野佬先在傍晚6時半左右登場，一口氣獻唱《著襪浸溫泉》、《夫目前飯》、《時間靜止器》、《剩低的離開的願可再約定一天再見》四首歌。

來到《真嘢唔好講》，MC $oho & KidNey更率先上台與野佬合唱。其後許賢笑說：「之前同佢哋合作，但係我諗佢哋都唞夠啦，唔知可唔可以依家就同佢哋合作呢？」說畢野佬即再度亮相，變身二人的樂手。蘇豪續說：「好多人以為我哋今年出道，嚟緊想唱啲我哋以前喺車庫作嘅歌。」二人即接連送上《黃與紅雨》、《剪接煩惱師》和《出門四寶》。在《Black Mirror》前，他們又引用MIRROR《Warrior》的歌詞直言：「我哋睇唔過眼，樂壇依家好似得12個靚仔。好多人問我哋出呢啲歌怕唔怕畀人鬧，好簡單，我哋負責炒㷫個場，『越鬧越熱鬧是轉機』，如果唔係『越靜默越寂寞難有驚喜』。」最後二人與野佬主音小胡一同合唱《係咁先啦》，更自稱是「我最喜愛的歌曲」。