P1X3L必去叱吒頒獎禮 Marco最愛MC：《反對無效》屋企哼咗100次
撰文：林通賢
出版：更新：
P1X3L 昨日出席「B.Duck x 水上樂園同你焫著玩」活動，三人表示能夠出席叱吒頒獎禮，感到相當興奮。
P1X3L昨日出席，出席「B.Duck x 水上樂園同你焫著玩」活動，早前三人因工作沒有出席叱吒頒獎禮記者會，事後引發了不少風波，不過下年一月一日 P13XL 表示必定出席叱吒頒獎禮，P13XL成員吳啟洋Phoebus說：「今年我哋會去叱吒嘅，公司都好support我哋啦，今次唔會因為其他原因而嚟唔到，入到新人組合12強已經係福氣，攞獎就睇下有冇緣份，我哋希望用作品嚟說話。」
P1X3L 、jace昨日在海洋公園出席活動，四位都將會在叱吒頒獎禮出現。
缺席事件後，ViuTV 總經理魯庭暉在IG 出了三個post，支持P1X3L ，P1X3L三子亦非常感動，成員歐鎮灝George說：「唔止魯生有鼓勵，自己公司都好多人鼓勵我哋，亦都真係好多謝魯生，呢一年幫助我哋唔少，為我哋喺IG出咗3個post，直頭係小感動。」至叱吒男新人獎，三人都覺得，同樣由《造星》出道的Edan、Mike及MC，各自都會奪得獎頂，不過葉振弘Marco，自爆是MC張天賦fans:「我哋都係佢粉絲，嗰首《反對無效》我自己喺屋企哼咗100次。」