金曲頒獎禮｜黃妍認貪玩　盼參與歌手表演環節：期待可以玩到好癲

黃妍（Cath）今日（5/1）現身電視城，參與《金曲頒獎典禮2021/2022》記招。憶起1月1日贏得叱咤女歌手銀獎，Cath坦言是意料之外：「落咗台一見到同事就攬住喊，係勁樣衰，我嘅化妝師一路幫我補，佢都跟住喊，所以真係好感動。」

問到兩大頒獎禮合二為一，Cath直言期待表演環節：「通常頒獎典禮都會有，每個頒獎禮嘅表演元素都唔同，我會好期待呢個頒獎禮歌手間合作嘅表演。」若然成為其中一人，Cath直言不介意與誰合作：「喺音樂上我真係好貪玩，雖然私底下唔會貪玩成咁，但係如果音樂上可以試到唔同嘢，玩到好癲嘅話，我會期待。」談到第五波疫情殺到，Cath坦言過去一段時間很珍惜現場演出帶給自己的感動，而線上音樂會卻很難做得到。