譚嘉儀快閃唱片舖打卡開直播 新年後繼續備戰：希望練到馬甲線
撰文：劉傳謙
出版：更新：
譚嘉儀日前推出《Eyes On Me 新曲 + 精選2022》，並為新碟宣傳進行了快閃行動，突撃遊走尖沙咀、旺角及沙田的幾間唱片舖及大型video wall，嘉儀非常興奮地邊打卡邊開直播：「因為疫情關係，原定星期五當日的演唱會要延期，但這張新精選專輯如期推出，是入行的第四張個人專輯，自己都要買碟攞個好意頭，剛好快到新年，可以當作賀年禮物送禮用，有我嘅歌陪住大家，夠晒Sweet。」
今次新專輯走型格路線，過往多數的劇集歌、翻唱歌甚至自家創作，令大家認識了實力創作型的譚嘉儀，專輯的點題新歌《Eyes on Me》可以說是嘉儀入行十年的一個大挑戰，改變一直以來在大家心目中的文靜形象，搣甩斯文挑戰跳唱快歌。嘉儀感謝公司給予機會嘗試作出改變：「自己好鍾意跳舞，好多謝唱片公司今次幫我開演唱會，仲有新班底、新形象做呢首跳舞歌，希望比大家一份新鮮感，其實係幾大膽，所以好開心依家外界的反應幾好。」
+3
雖然演唱會需要延期，嘉儀仍然努力在家練習，希望保持最佳狀態：「希望到時練到馬甲線，有多啲時間可以再做新歌，比更多驚喜大家，新年期間都會放鬆少少享受下美食，之後就繼續努力 keep fit，努力工作。」
嘉儀新一年目標除咗係舉行演唱會，仲想喺演唱會前操到有馬甲線。