獨立歌手AP潘宇謙上年年頭推出新歌《罪人勿語》，事隔一年終於再有新曲《我道》推出，歌曲放上YouTube九日已經錄得200,000點擊率，在KKBOX綜合新歌即時榜第五位，僅次於四位鏡仔和林家謙，成績絕對驕人！

《我道》今次找來AP好友陳卓賢Ian@MIRROR幫手作曲，是Ian第二次參與幫其他人作曲，第一次也是他的好兄弟Anson Kong，AP表示：「我同Jny同Ian一齊寫依首歌，首歌係想講人生路上，圍繞身邊嘅人都會提出好多意見，話畀你聽點樣行正確嘅路。事實上無論你愛嘅人或者愛你嘅人，絕對唔會比自己更清楚你嘅能力同夢想係乜。用心聆聽以愛溝通，為自己嘅選擇負責，只要相信一定可以揀到最適合自己嘅路。」AP和Ian老友鬼鬼，Ian更幫手在IG post出自己唱的demo幫好兄弟宣傳首歌 l

《我道》是AP出道以黎第十首推出的作品，作為自己開音樂label做獨立音樂人嘅第一首廣東歌，他更指希望今年年尾可以推出一隻ep。