聲生不息|森美睇好炎明熹表現:喺《聲夢》已經見到冠軍鋒芒

撰文:劉傳謙
出版:更新:

森美昨日(14/5)以主持人身份無綫(TVB)歌唱比賽《聲夢傳奇2》宣傳活動,接受訪問期間也說起另一個正於TVB熱播的歌唱節目《聲生不息》。說起有份參與的兩位本地新生代歌手曾比特(Mike)和炎明熹(Gigi),森美直言二人表現未參賽時已經非常出眾:「Mike喺上兩首歌嘅派台成績都好好,有好好嘅潛質。Gigi更加唔使講,喺《聲夢1》嘅頭兩、三集已經見到冠軍嘅鋒芒,只係睇佢發揮得好唔好,揀歌好唔好,有時揀得唔好嘅話都係唔得。」

森美認為整個節目最重要的元素是廣東歌,最大作用是透過歌者的不同演繹方式,令一些耳熟能詳的廣東歌能重新引起樂迷留意。其實不論在《聲夢傳奇》還是《聲生不息》,過去一直有聲音指選手在選歌上都只唱舊歌,令希望聽到歌者重新演繹近年派台歌的聽眾失望。不過,森美則認為這是令廣東歌重新冒起的必經階段:「無論係《聲夢1》,或者嚟緊嘅《聲夢2》,你都會聽到好多廣東金曲,原因係金曲啱不同年齡嘅人聽。呢個冇辦法,係歷史畀嘅一個最輝煌嘅時光,但係要攞住呢個光芒再放射,就要唱下啲舊歌先。如果唔係,就算係年輕一代,定係上一代嘅人,其實都好難認識一個新面孔。」

他認為Chantel重新演繹《戀愛預告》是最佳例子:「我依然係鍾意林珊珊嘅演繹,但係我哋呢一代嘅人聽到之後,會覺得呢個𡃁妹都唱到少少韻味,將青春少女嘅心情重新展現出嚟。呢個就係將上一代嘅歌同呢一代嘅人連結一齊,金曲係要多唱,之後再睇下佢哋可唔可以將自己嘅新歌唱出嚟,令新一代同舊一代嘅人都同樣鍾意廣東歌。」

不論《聲夢傳奇》還是《聲生不息》,有聽眾都不滿歌手只選舊歌,但森美認為這個是重新宣傳廣東歌的必經階段。(梁碧玲攝)