古巨基大讚呂爵安假音一流 Edan學生Look拍MV︰感受到前夫嘅感覺

撰文:洪曉璇
出版:更新:

古巨基6月22日正式推出《I Really Love To Sing》合唱專輯頭炮,請來呂爵安(Edan)合作打頭陣合唱《飄流教室》。MV女主角則邀來八十年代女神柏安妮的十七歲女兒、新晉女演員許恩怡(Natalie)擔任。

古巨基合唱專輯頭炮,請來呂爵安(Edan)合唱《飄流教室》。MV女主角則邀來八十年代女神柏安妮的十七歲女兒、新晉女演員許恩怡(Natalie)擔任。

基仔於2003年憑《必殺技》奪得叱咤樂壇流行榜「叱咤樂壇我最喜愛的歌曲大獎」,他在頒獎台上留下一句經典金句「我真係好鍾意唱歌……」,基仔表示《I Really Love To Sing》企劃便是源自這句話,「真情流露的一句說話,亦都係心底話」。基仔表示已有幾年沒有推出唱片。這個project以「我真係好鍾意唱歌」為題是因為他覺得音樂市場即使比以前辛苦,但仍然有很多很努力的歌手和音樂人繼續唱、繼續為夢想而努力,「而我自己亦係其中之一,所以呢個project就咁樣命名。今次邀請咗唔同曲風嘅新晉歌手一齊去完成呢個project,係一個全合唱嘅專案。」

古巨基指MV呢幕講番2012年《告別我的戀人們》出碟嘅時候:「我特登整番嗰個髮型,連件褸都係搵番當時宣傳嗰件褸,仲著得落。」

至於邀請Edan合作的原因,基仔謂:「《飄流教室》當年冇被成為主打,所以喺今次project度,我好想搵一個心儀嘅人去同我一齊唱呢隻歌。今次嘅新編曲係好classy,配古典鋼琴咁。上次睇Mirror個show,Edan solo嗰part鋼琴自彈自唱令我好深刻,所以我就覺得係非Edan莫屬。」Edan亦受寵若驚:「真係好開心今次呢個合作。從來冇諗過,當初好記得花姐同我講:『喂!古生話想搵你合唱喎,你肯唔肯呀?』嘩!梗係好啦!因為未試過同一個大前輩合作,同埋我細個都有聽古sir嘅歌,所以我覺得呢件事係好神奇。」他更表示錄音期間「學到好多嘢」:「古sir每一次都會嚟監製我嘅錄音,俾咗好多指導我,舒文監製都係,所以令到我對唱歌多咗好多諗法。同埋古sir真係好貼心,我問佢啲乜佢都好樂意去教我、幫我,所以好多謝佢。」而基仔在回憶二人在錄音室時的點滴,對Edna讚不絕口:「我記得佢話知道自己唱歌未必係最好,所以只要有其他唔同嘅機會,佢一定會好願意同埋俾心機去試!係一個好謙虛、好勤力嘅藝人。喺錄音過程裏面,我發現Edan喺假音上係好好,擁有一把好靚好滑溜嘅假音。」

古巨基讚Edan呂爵安:「係一個好謙虛、好勤力嘅藝人。喺錄音過程裏面,我發現Edan喺假音上係好好,擁有一把好靚好滑溜嘅假音。」

至於MV其中一幕,是講述Edan跟心儀的許恩怡(Natalie)去基仔於CD舖所舉行的新碟簽名會,Edan笑說:「今次感受到『前夫』嘅感覺,即係陪個女仔嚟見自己嘅偶像。」而基仔則演回本尊,當他一踏進CD舖,回憶立即番晒嚟:「見到啲海報、自己啲碟,就諗起好耐冇做簽名會!好懷念。」基仔覺得這個MV很有穿越感:「MV呢幕講番2012年《告別我的戀人們》呢一隻碟出嘅時候,我特登整番嗰個髮型,連件褸都係搵番當時宣傳嗰件褸,(Edan:真㗎?)我仲着得落!即係冇肥到!哈哈。」基仔又分享到達拍攝現場前的一件小趣事:「因為穿越關係,出呢隻碟嘅時候我係未結婚嘅,頭先一落車嘅時候,古太同我講:『喂!你除咗隻戒指佢先啦!你嗰陣時未結婚㗎。』咁我就除咗啦,哈哈。」

Edan呂爵安笑指是次拍mv:「感受到『前夫』嘅感覺,即係陪個女仔嚟見自己嘅偶像。」
+2
你可能感興趣