馮允謙演唱會|四度Encore歌迷圍舞台大合唱 感激陳凱詠獻第一次

撰文:關穎賢
出版:更新:

出道十周年兼首次舉行個人演唱會的馮允謙(Jay),昨晚(4/7)於Star Hall舉行第三場演唱會《Have a JAY Time 2022 演唱會》,金像導演莊文強、好友陳柏宇、李幸倪(Gin Lee)、RubberBand主音6號與太太Tim Lui、電影《媽媽的神奇小子》男主角梁仲恆、少爺占、蔡浩然、男子組合Error隊長梁業(肥仔)和女子組合Collar隊長Gao、芯駖、Winka、Candy和Marf等捧場,其中Marf是Jay的忠粉,她全場落力揮動燈棒,又唱又跳,非常投入。

陳凱詠(Jace)擔任第三場表演嘉賓,兩人手拖手合唱由Jay為她作曲的《Long D》,他讚Jace人靚聲甜,又佩服她除了是歌手和DJ,還參演舞台劇,非常忙碌。Jace說:「係好忙,但知道你請我做嘉賓,我一定一定要嚟,今次係我第一次做演唱會嘉賓。」Jay說:「你嘅第一次就畀咗我?」令全場大笑。

Jay感謝專程從加拿大回港的媽咪,每晚到場支持後回家煲羅漢果水給他。至於爸爸,Jay笑說:「爸爸嬲咗我,佢嬲我爆佢睇完第一場騷太攰,噚晚寧願喺屋企煲劇,所以今晚都唔嚟啦!哈哈,其實爸爸好錫我,每晚完騷返屋企,佢都會煮嘢畀我食。」而且Jay表示其創作深受爸爸影響,說:「我細個喺加拿大長大,但爸爸喺香港工作,太掛住爸爸就去摷佢啲嘢,點知搵到佢收埋好多帶。咩帶?錄音帶呀!爸爸特別鍾意梅艷芳、張學友嘅廣東歌,所以我細個成日聽。我發現自己最初寫嘅歌,都有啲90年代廣東歌嘅感覺。」Jay選唱了張學友的《分手總要在雨天》和張國榮的《不羈的風》,兩首經典廣東歌。

Jay的媽咪(黑色衫)專程從加拿大回港。

昨晚觀眾超級熱情,首次Encore部份唱了《尋找白金漢》、新歌《給缺席的人唱首歌》和《山旮旯》後,Jay與樂手們退場。觀眾大叫Encore,Jay第二和第三度出場,先後演唱《我好想你》和《聲音導航》。但觀眾仍不肯散場,於是Jay第四度出場Encore,觀眾一湧上前,重重包圍舞台四周,非常墟冚。Jay與樂手再度出場,他見到觀眾反應熱列,激動地說:「我未試過第四次Encore,你哋真係好犀利,我想影張大合照留念。」然後全場大合唱英文歌《Preciously Mine》,離場時他一邊飛吻一邊講多謝。

+2