MIRROR 12場紅館騷《MIRROR WE ARE Live Concert 2022》終於揭開序幕，「Do姐」鄭裕玲完騷後翌日於電台節目分享感受，大讚氣氛一流，但就認為燈牌太多，影響了原有嘅舞台效果。除咗Do姐之外，唔少網民都直指因為燈牌嘅原因，令演唱會手燈完全發揮唔到作用，更怒轟部分粉絲行為自私。

對於燈牌問題，Jer(柳應廷）今日在TG群組表示:「明白大家舉燈牌支持我哋，多謝你哋，d(啲)燈牌超靚，但可能去到12人part先舉？最尾part大合唱果(嗰)陣超靚!我同意solo part用現場燈光ah，大家會享受到一個更完美既（嘅）舞台，希望你地（哋）鍾意la!」而Stanley(邱士縉)亦有在限時動態發文:「啲燈牌好靚，不過乖乖豬，團歌先開，我哋悉心設計咗好多舞台效果俾大家睇。」