陳慧嫻生日宣布加盟英皇　最想同呢位新生代合作：希望搞吓啲花臣

今日（28日）是陳慧嫻（Priscilla）的生日，同時亦藉著這個特別的日子正式宣報加盟英皇娛樂。英皇娛樂眾藝人及經理人霍汶希（Mani）紛紛送上祝賀，其中包括容祖兒、謝霆鋒、任達華、惠英紅、Twins、李克勤、古巨基等等 拍片祝賀慧嫻加入英皇大家庭。

對於加盟英皇娛樂，慧嫻十分期待跟克勤及祖兒合作：「 好榮幸可以加入英皇呢個大家庭。唔係淨係合唱，係合作喎。我同克勤以前同一間公司已認識多年，但從來冇機會合作，希望可以同佢搞吓啲花臣啦。」另外談到祖兒，慧嫻指二人已認識很久：「希望可以同呢位新生代合作，對我嚟講Joey係新生代嚟㗎，同祖兒一齊玩吓。」

至於轉會費，慧嫻笑言：「數字就唔講啦，總之就開心滿意啦。（生日願望？）希望我身邊所有人、屋企人、所有愛我嘅人同我愛嘅人、同埋我個『女』mou mou，都身體健康，身體健康就開心㗎啦，人最緊要開心。」