張敬軒與陳卓賢Ian最近在《Music Panda》合唱，兩大唱得之人同場表演，當然令人期待，兩位在節目內唱近十首歌：《Distance》、《鯨落》、《櫻花樹下》、《靈魂相認》、《預言書》、《蝸牛》、《狐》、《地球上的最後一朵花》及《銀髮白》。

軒仔透露近期醉心寫歌，不過發現和弦配搭唔夠豐富而上網自學，又大讚Ian寫歌好快，一晚可以寫起一兩隻歌，Ian透露有晚跟軒仔傾偈後即晚寫了「幾首歌」！軒仔笑謂：「如果我唱片公司啲人聽到，不知幾開心，幾隻呀... 我知點解我寫得咁慢啦，因為我俾晒啲靈感人哋。」Ian即乖仔上身：「咁我寫俾你啦。」Ian表示二人在餐枱上合作比較多，因為二人比較多飯聚，軒仔更大讚Ian，「佢有照顧我哋呢啲孤寡老人，佢有煮嘢俾我食，不過唔知有有落毒，哈哈。」