林敏驄演唱會｜鍾鎮濤B哥負傷台上發軟蹄跌倒 林敏驄：佢跪拜我
撰文：林迅景
出版：更新：
「蘇格蘭場今天星閃閃林敏驄暨車總腦交戰時日如飛40周年成人禮作品展演唱會之 PART 2更精彩」今晚（18/03）舉行頭場！今年70歲的鍾鎮濤（B哥）受邀成為壓軸嘉賓，不過臨走時就不小心失足跌倒，雙膝跪地，令在場觀眾都嚇了一跳。林敏驄見狀亦走上去扶他起身。
鍾鎮濤（B哥）在林敏驄演唱會失足。（林迅景 攝）
鍾鎮濤（B哥）完場後接受《香港01》訪問，他表示溫拿即將有大動作，敬請大家期待，他說：「我哋去到70歲仲有牙仲唱得，點解唔慶祝吓呢？」談到演唱會不小心跌倒的事，他就說：「我諗人哋嚇親多過我，我原本傷咗，膝頭有啲事，自己都驚點樣呢，要喺個台走嚟走去，企喺度唱梗係冇事，但係走多兩走又興奮，太耐冇同香港朋友唱歌，跳多兩跳最後就失咗平衡。冇事！讓大家擔心真係唔好意思，腳冇事，手拗到少少。」
鍾鎮濤（B哥）在林敏驄演唱會失足。（林迅景 攝）
對於此事，林敏驄盲十分鬼馬，訪問中他說：「佢可能跪拜我，畀咗啲好歌佢唱，哈哈哈。」他接着說：「佢（年齡）啱啱搭正七，呢啲係正奔七，哈哈。」
鍾鎮濤B哥「跪拜」林敏驄：
+7